वौद्धिक अपाङ्गता भएका व्यक्तिहरुलाई सहयोग गर्ने उद्देश्यले आईतबार कैलालीको धनगढी स्थित जोशी टाकिजमा चलचित्र 'प्रेम बिबाह' को च्यारेटी शो गरियो । 'प्रेम बिबाह' चलचित्रको च्यारिटी शो धनगढीका प्रतिष्ठित व्यक्तिहरुलाई देखाईएको थियो ।
'चलचित्रको च्यारेटी शोबाट आम्दानी गर्नु भन्दा पनि बौद्धिक अपांग भएकालाई सहयोग गर्ने हाम्रो उद्देश्य हो', चलचित्रका निर्देशक राजु पराजुलीले भने, 'यो चलचित्रबाट उठेको सम्पूर्ण रकम बौद्धिक अपांग भएकाहरुलाई सहयोग गर्नेछु ।' कार्यक्रममा सहभागि दर्शकहरुले आयोजकको धारणा प्रति धन्यवाद जनाउदै चलचित्र जस्तै भावना पनि राम्रै भएको बताए ।
चलचित्रमा धनगढीकै नायक सुमन सिंहले मुख्य भुमिका निर्वाह गरेका छन् भने निर्देशन तथा लेखन राजु पराजुलीले गरेका छन् । चलचित्र द्वन्दात्मक प्रेमकथामा आधारीत छ । चलचित्रको निर्माण आशुतोष फिल्म इन्टनेशनल प्रालीको व्यानरमा निर्माण भएको हो ।
