कछुवाको चालमा ' नाइ नभन्नु ल' हिट भएपछी फिल्म निर्देशनमा हौसिएका निर्देशक विकास आचार्यले यो बर्षको प्रोजेक्टबाट पनि आफू सफल भएको दाबी गरेका छन् ।
उनको पछिल्लो प्रोजेक्ट 'म तिम्रो भैसेके' लाई दर्शकले अत्याधिक रुचाएपछी उनले यस्तो प्रतिक्रिया दिएका हुन । 'म तिम्रो भैसके' गत असोज १३ गते देखि राजधानी बाहिरका १९ वटा थिएटरमा रिलिज भैरहेको छ । सागीतिक प्रेम कथामा आधारित आफ्नो चलचित्रलाई विशेषत पूर्वाअंचलका दर्शकले ज्यादा रुचाएको भन्दै विकासले आफ्नो कामलाई मनपराईदिने दर्शक तथा फिल्मको प्रमोशनमा सहयोग गरेका सम्पूर्ण साचारकर्मीलाई फिल्मीखबरमाफर्त धन्यवाद एवम दशै शुभकामना समेत दिएका छन् ।
यस्तै पूर्वाअंचलका दर्शकलाई हल सम्म पुर्याउन सहयोग गरेको दमकको पाथीभरा एफएम प्रति उनले विशेष आभारी ब्यक्त गरेका छन् । अहिले 'म तिम्रो भैसके' ले राम्रो विजनेश गरिरहेको विकासको भनाई छ । उनले भने 'जहाँजहाँ मेरो फिल्म एकल चलिरहेको छ त्यहा त नराम्रो हुने कुरा भएन बाँकीमा अन्यसंग प्रतिष्पर्धा गर्दा पनि मेरै फिल्म माथि छ ।' अहिले उनको फिल्म 'अन्दाज' र 'मेरो लभस्टोरी' संग जुधेको छ । तर अन्दाज र मेरो लभस्टोरीका प्रोड्यूसरले पनि आफ्नो फिल्मले अन्य भन्दा राम्रो बिजनेश गरेको दाबी गरेका छन् । तर कुन फिल्मले कति विजनेस गर्यो त्यो त केही साता भित्रै बक्स अफिस रिपोर्टले छर्लङ्ग पार्नेछ ।
