हिरो फेर्ने नायिकाको उपमाले समेत परिचित अभिनेत्री रेखा थापाको क्याम्पमा प्रत्येक बर्ष नयाँ हिरोको इन्ट्री  हुने गर्छ । भनौ हरेक बर्ष कुनै एक नायकसंग उनको उठबसको खबरले यिनी  चर्चामा रहिरहन्छिन् । तर त्यो उठबस मुस्किलले एक बर्ष मात्र टिकिदिदा आफनो क्याम्पमा आएका ती हिरोहरुसंग  यिनको दुश्मनी पनि सुरु भैहाल्छ ।

जसको पछिल्लो उदाहरण नायक विराज भट्ट, निखिल उप्रेती, आर्यन सिग्देल हुन् । अर्थात कुनै समय ब्यायफ्रेन्डले समेत परिचित रेखाका यि हिरोहरुसंग अहिले उनको बोलचाल छैन । जसकारण यि हिरोहरु रेखाको नाम पनि सुन्न चाहदैनन् र रेखा पनि उनीहरुको सकारत्मक पक्षलाई सहन सक्दिनन् ।

गत बर्ष देखि नायक जीवन लुईटेलसंग नजिकिएकी रेखाको सम्बन्ध पनि चिसिएको खबर खबर बाहिर आएको छ । अर्थात पछिल्लो प्रोजेक्ट अन्दाज को छायाकंनको सिलिसिलामा उनको जीवनप्रति इन्ट्रेस्ट  हटेको बुझिएको छ । र सोही फिल्मबाट हिरोमा डेब्यू गरेका मोडल सविन श्रेष्ठसंग यिनको मित्रता अहिले चुलिएको छ ।

यस्तै फिल्म रिलिजको समयमा जीवन अष्ट्रेलिया गएकाले पनि जीवनसंग रेखा क्रुद्ध भएकी हुन रे ! जसकारण जीवनसंग असन्तुष्टी बढेपछी सविन अहिले उनको रोजाईको हिरो भएका हुन्  । नयाँ रोजाईको हिरो पाएकाले रेखाले नयाँ प्रोजेक्ट रावणमा पनि सविनलाई मुख्य भूमिकामा दोर्याएकी छिन् । जुन फिल्मको क्लाईमेक्सको सिन मात्र खिच्न बाकी छ । हरेक बर्ष हिरो फेर्ने यि नायिकाको क्याम्पमा सविन कत्तिन्जेलका पाहुना हुनेछन् त्यो त अर्को बर्ष थाहा भैहल्छ । 

तस्बिर सौजन्य कान्तिपुर दैनिक