अभिनेत्री करिश्मा मानन्धरलाई बाबुराम भट्टराई अघिका धेरै प्रधानमन्त्रीले सरकारी निवास बालुवाटार डाके । तर बेफुस्रद अनि केही बर्षको नेपाल बाहिरको बसाईले उनले चाहेर पनि बालुवाटार घुम्न पाईनन् र विभिन्न कालखण्डका प्रधानमन्त्रीसंग प्रत्यक्ष साक्षात्कार गर्न पाईनन् । तर एमाले सरकारबाट माधव नेपाल प्रधानमन्त्री भएको बखत उनी पहिलो पटक बालुवाटारको गेट प्रवेश गरिन् । जहा उनले प्रधानमन्त्रीको प्रेक्षालयमा विविध अर्न्तक्रिया गरेकी थिईन । जुन उनको पहिलो बालुवाटार प्रवेश थियो ।
करिष्मासँगै हिरो राजबल्लभ कोईरालाको पनि त्यहि नै पहिलो बालुवाटार प्रवेश थियो । जहा उनले करिश्मासंगै तत्कालिन प्रधानमन्त्री माधव नेपालसंग साक्षात्कार गर्नुका साथै विभिन्न पोजका फोटो पनि खिचेका थिए । गत माघ महिनामा पहिलो पटक बालुवाटारसंगै प्रवेश गरेका बल्लभ र करिश्मा दोस्रोपटक आज बालुवाटार प्रवेश गरे । तर प्रधानमन्त्रीको प्रेक्षालयसम्म भने हैन ।(1).jpg)
सेतो सर्टमा बालुवाटार प्रवेश गरेका बल्लभले बाबुराम भट्टराईसंग पहिलो पटक हात मिलाए र युवापुस्ताको रुचाइएको हिरोको रुपमा बल्लभका बारेमा भट्टराईले जान्ने मौका पाए । यस्तै काम र पोजिसनका हिसावमा सर्वाधिक रुचाईएका प्रधानमन्त्रीलाई भेट्नु आफ्ना लागि खुशीको कुरा भएको तर भेट पछी त्यो खुशी स्वाभाविक लागेको भट्टराईलाई भेटीसकेपछी राजबल्लभको प्रतिक्रिया छ ।
राजबल्लभले सरकार प्रमुखका हैसियतमा माधव नेपाल पछी बाबुरामलाई भेटेका हुन् । यस अघि उनले पूर्व प्रधानमन्त्रीहरु सूर्यबहादुर थापा, शेरबहादुर देउवा, लोकेन्द्र बहादुर चन्दलाई समेत भेटिसकेका छन् । तर त्यो भेट उनीहरु प्रधानमन्त्री भएको बेला भने हैन । यस्तै करिश्माले बाबुरामलाई अन्डरग्राउन्डबाट बहिरिए लगत्तै पहिलो पटक भेटेकी थिईन जति बेला उनको फिल्म बाबुसाहेब रिलिज भएको थियो । त्यसपछी बाबुरामसंग विभिन्न कार्यक्रममा करिब ४ पटक सम्म भेट भएको करिश्मा सम्झिन्छिन् । तर औपचारिक भट्टराईसंग उनले आज बालुवाटारमा भेटेकी थिईन । जहाँ यि दुईले एकअर्कालाई नजिकबाट थप बुझने मौका पाएका थिए ।
