हिरोइन अरुणिमा लम्साललाई छोरीको ज्यादै रहर छ र उनको त्यो रहर अब चाडैनै पुरा पनि हुदैछ । चिकित्सा प्रविधिलाई धन्यवाद दिदै उनले आफूले जन्माउदै गरेको सन्तानको बारेमा पुरै जानकारी लिन भ्याएकी छिन् ।
डाक्टरले उनलाई आउदो मंसिर १० गतेको डेलिभरी डेट दिएका छन् । तर त्यो डेट नआउदै उनले आफ्नो भावी सन्तान के जन्मिदैछ भनेर पुरै जानकारी लिएकी छिन् । फिल्मीखबरसंग अरुणिमाले भनिन् 'मेरो त राम्री छोरी जन्मिदैछ, उसलाई हामीले अहिले देखिनै कान्छी अरुणिमा भन्न थाल्यौ ।' गर्भवती भएका कारण अरुणिमा यो समय पूर्ण भ्याकेसनमा छिन् । नयाँ घर कपनमा उनी फिल्मी दुनियाका सम्पूर्ण खबरबाट टाडै छिन् । र भन्छिन 'मलाई त ईन्डष्ट्रीमा के भैराछ, कस्तो फिल्म चलिराछन् केही पनि थाहा छैन ।' गर्भवती भएकाका कारण अरुणिमाको शरिर अहिले निकै ठूलो छ जसकारण उनी घरबाहिर हत्तपत्त निस्किन्न् । उनलाई बैङकर पतिले स्यहार सुसार गरिरहेका छन् । यस्तै अरुणिमाले आफू सुत्केरी भएकोट ६ महिना पश्चात पुनः फिल्म खेल्ने बताएकी छिन् । जसका लागि सुत्केरी भएलगत्तै उनले आफ्नो स्वास्थ्यको ध्यान दिने बताएकी छिन् ।
पहिलो सन्तानका रुपमा छोरी जन्माउन लागेकी अरुणिमालाई अग्रिम बधाई ।
