नायिका नन्दिता केसीले आज आफ्नो जन्मदिन मनाउँदै छिन् । नेपाली तिथी अनुसार भोली जन्मदिन भए पनि उनले आज अंग्रेजी डेट अनुसार जन्मदिन मनाउन लागेकी हुन् ।
नायिका नन्दिता २०४१ साल असोज २९ गते अर्घाखाँची जिल्लाको नरपानी गाँउमा बुवा भिमबहादुर केसी र आमा चेतना केसीको कोखबाट जन्मेकी हुन् । गत बर्ष अर्घाखाँचीमा आफ्नो परिवारसँग जन्मदिन मनाएकी नन्दिताले यस पटक भने काठमाण्डौमा नै जन्मदिन मनाउँदैछिन् । बिहान दिदीको घरमा गएर जन्मदिन सेलिब्रेट गरेकी नन्दिताले साँझ साथीहरूसँग सेलिब्रेट गर्दैछिन् ।
जन्मदिनलाई खासै भव्य तरिकाले सेलिब्रेट नगरेकी नन्दिताले यस पटक पनि सामान्य तरिकाले नै बर्थ डे सेलिब्रेट गर्ने बताईन् । २७ बसन्त पार गरेकी यि नायिकाले अहिले सम्म करिब अढाई दर्जन चलचित्रमा अभिनय गरिसकेकी छिन् भने त्यो भन्दा बढि म्युजिक भिडियो र बिज्ञापनमा देखिईसकेकी छिन् ।
यस्तै आजकै दिन बरिष्ठ चलचित्रकर्मी तथा खेलकुद परिषदका सदस्य सचिव युवराज लामा र निर्माता तथा नायक रोज राणाको पनि जन्मदिन परेको छ । यि तीनै सेलिब्रेटीलाई फिल्मीखबर डटकमको तर्फबाट जन्मदिनको हार्दिक शुभकामना !
