मिति : २०८१ मंसिर १३, बिहिवार

Nepal's No.1 Filmy Web Magazine

  • Current Rating
  • 1
  • 2
  • 3
  • 4
  • 5
(0 vote, avg 0.00/5.00)
Text size:-
+
-

रेखाको हिफाजत बजारमा

फिल्मीखबर, काठमाण्डौ, 2011/10/20

लामो समयदेखि डिभिडी तथा भिसिडीको व्यवसाय गर्दै आएको हाईटेक इन्टरटेन्मेन्टले धमाधम चलचित्रका डिभिडी तथा भिसिडीहरू बजारमा ल्याईरहेको छ । गएको केहि महिना अगाडी चलचित्र 'व्याच नं १६' र गत साता मात्र अर्को चलचित्र 'एक दिन एक रात' को डिभिडी बजारमा ल्याएको सो कम्पनीले भोली शुक्रबारबाट अर्को चलचित्रको डिभिडी रिलिज गर्दैछ ।

 

करिब डेढ बर्ष अगाडी सार्वजनिक भएको रेखा थापा निर्मित चलचित्र 'हिफाजत' को डिभिडीलाई शुक्रबार सार्वजनिक गर्न लागिएको हाईटेकका सञ्चालक राजेन्द्र मानन्धरले बताए । रेखा फिल्म्सको व्यानरमा निर्माण भएको सो चलचित्रको डिभिडी फाईभ पोईन्ट वान सराउन्ड साउन्ड सिस्टम तथा अंग्रेजी सवटाईटलमा तयार पारिएको छ । उक्त डीभीडी उच्चस्तरको क्वालिटीमा निकालिएको मानन्धरको भनाई छ ।

 

रेखा थापा, आर्यन सिग्देल, आयुष रिजाल, निर शाह र कमलकृष्णको मुख्य भुमिका रहेको छ । ज्ञानेन्द्र देउजाले निर्देशन गरेको सो चलचित्रमा महेश खड्काको संगीत, राजेन्द्र खड्गीको द्वन्द तथा बिष्णु कल्पितको छायाँकन रहेको छ । प्रेम र द्वन्द्वलाई मुख्य कथावस्तु बनाइएको चलचित्र ‘हिफाजत’ ०६६ सालको सफल चलचित्रमा पर्दछ । यो चलचित्र ०६६ साल चैत्र २७ गते सार्वजनिक भएको थियो ।