अमेरिका ग्रिन कार्डहोल्डर मोडल प्रियंका कार्की यतिखेर नेपालमा छिन् । उनी निर्देशक प्रशन्न पौडेलको चलचित्र 'मेरो बेष्ट फ्रेण्ड' मा अभिनय गर्नका लागि हतार गर्दै गत मंगलबार नेपाल आएकी हुन् ।
अमेरिकाकामा रहेका भुटानी शरणाथीहरूले निर्माण गरेको चलचित्र 'भूल्ने पो हो कि' मा उनले मुख्य भूमिका निर्वाह गरेकी छिन जुन चलचित्रको छायाकंन भैरहेको उनले जानकारी दिईन् । 'मेरो सिन जति सकाएर नेपाल आएकी हुँ', 'मेरो बेष्ट फ्रेण्ड' को पहिलो सुटिङमा बिहिबार भेटिएकी प्रियंकाले फिल्मीखबरसंगको भेटमा भनिन्, 'सो चलचित्रको पोष्टप्रोडक्सन नेपालमा नै हुनेछ ।'
प्रियंकाले बिहिबारबाट चलचित्र 'मेरो बेष्ट फ्रेण्ड' मा काम गर्न थालेकी हुन् । जुन चलचित्रको छायाकंन हिरोईन विनानै करिब ५० प्रतिशत सकिसकेको छ । प्रशन्नको सो चलचित्रमा सुरूमा झरना बज्राचार्य अनुबन्धीत थिईन् तर झरना यूकेबाट नेपाल र्फकन ढिला भएपछी सिक्मिकी श्रेया शर्मालाई खेलाउने कुरा थियो तर श्रेया पनि जन्डीसले थलिएपछी प्रशन्नले प्रियंकालाई सो चलचित्रमा खेल्ने प्रस्ताव गरे जुन प्रस्ताव आएलगत्तै प्रियंका नेपाल आएकी हुन् ।
चलचित्र भित्र प्रियंकाको रेश मरहठ्ठा र दिवस उप्रेतीसंग अनस्क्रिन रोमान्स हुने छ । २००५ कि मिस टिन प्रियंकाले अमेरिकामै चार बर्षे चलचित्र अभिनयको कोर्स भर्खर सकेकी छिन् । जसकारण आउदो नोभेम्बर महिनाको अन्तिम तिर उनी अमेरिका र्फकने छिन् तर राम्रो प्रोजेक्टबाट अफर आए अमेरिका गैहाल्न उनलाई त्यति आवश्यक पनि छैन रे ! उनले भनिन्, मेरो पर्ढाई नै अभिनय भएकाले जस्तो पायो त्यस्तो क्यारेक्टमा खेल्ने छैन बर्षको दुई वटा राम्रा फिल्म खेल्न पाए मलाई पुग्छ ।' तर नेपाल बसनुजेल धेरै समय नलाग्ने कमर्सियल विज्ञापन भने खेल्ने उनले बताएकी छिन् ।
प्रिंयकाले नेपालमा बनेका डेढ दर्जन म्यूजिक भिडियामो अभिनय गरीसकेकी छिन् । उनले आउँदो डिसेम्बरका लागि अमेरिकामै रहेका अन्य नेपालीहरूको एक फिल्ममा पनि मुख्य नायिका भएर अभिनय गर्दैछिन् । जसका लागि दुई पक्ष बिच सहमति भैसकेको उनले जानकारी दिईन् । तर अमेरिकामा बनेको नेपाली चलचित्र भन्दा नेपालमा बनेको चलचित्रमा खेल्न प्रियंकालाई धेरै इच्छा छ रे । जसकारण बर्षमा दुईवटा सम्म भएमात्र पनि उनले नेपालमै बनेको फिल्म खेल्ने मनस्तिथी बनाएकी छिन् ।
अमेरिकाकै ग्रिनकार्ड होल्डर नेपाली युवक रोचक मैनालीसंग विवाह गरेकी प्रियंकाले केहि चलचित्रकर्मीहरूबाट चलचित्रमा अभिनय गर्ने कुरा आईरहेको तर फाईनल नभएको फिल्मीखबरलाई बताईन् । हिरो विनय श्रेष्ठले निर्माण गर्न लागेको चलचित्र 'भिसा गर्ल' को लागि आफूसंग कुरा भैरहेको उनले जानकारी दिईन् । यस बारेमा थप कुराकानी गर्न उनी बिनयलाई छिट्टै भेट्दै पनि छिन् । मुटुमा नेपाली माया लिएर नेपाली चलचित्रमा अभिनय गर्ने इच्छा व्यक्त गरेकी यि सुन्दर मोडल तथा नवनायिकालाई नेपाली चलचित्रमा स्वागतम् !
