चुलबुले नायिका बिनिता बराल आफ्नो पहिलो प्रोजेक्ट चलचित्र 'चपली हाईट' बाट राम्रो प्रशंसा पाउनेमा ढुक्क छिन् । कहिले चलचित्र रिलिज होला र दर्शकको कमेन्ट पाउँला भन्दै सो चलचित्रको रिलिज डेटको प्रतिक्षामा बिनिता बसेकी छिन् ।

केहि दिन अगाडी मात्र राजिब श्रेष्ठसँग 'चपली हाईट' को प्रोमोस्नल फोटो सुट गरेकी बिनिताले आफ्नो र चलचित्रको क्रेज बढाउन 'चपली गर्ल बिनिता बराल' नामको फेसबुकमा फ्यान पेज खोलेकी छिन् । सो फ्यान पेजमा उनले चलचित्रका तस्विरहरू राख्ने गरेकी छिन् । अहिले त बढि जसो तस्विर नै अपडेट गरेकी बिनिताले अब भने बिस्तारै चलचित्रको बारेमा बिबिध जानकारी गराउने छिन् । उनी भन्छिन्, 'चपली हाईटको बारेमा जान्न मन लागे यो पेज हेर्दा हुन्छ । म बिस्तारै चलचित्रका हरेक कुराहरूको जानकारी दिंदै जानेछु ।'

करिब एक महिना अगाडी खोलिएको सो पेजलाई धेरैले लाईक गर्न भने भ्याएका छैनन् । बिनिताका अनुसार चलचित्रको प्रोमोशन शुरू नभएको र आफू पनि नयाँ कलाकार भएकाले धेरैले थाहा नपाएको हुनसक्छ । 'अब बिस्तारै लाईक गर्नेको संख्या बढ्दै जान्छ, बिनिता भन्छिन्, 'लाईक गर्नेको संख्या बढ्दै गएपछि अपडेट पनि रेगुलर नै गर्छु ।'

प्रेम, सस्पेन्स र थ्रिलरको फ्युजन चलचित्र 'चपली हाइट' को निर्देशन दिपेन्द्र के. खनालले गरेका हुन् । अर्जुन कुमारले निर्माण गरेको सो चलचित्रमा बिनिताको साथमा अमिर गौतम र राज घिमिरेको पनि मुख्य भुमिका रहेको छ । केहि दिनमा डबिङमा जाने सो चलचित्रको संगीत अर्जुन कुमारको रहेको छ । चलचित्रमा भुपेन्द्र खड्काको गीत, रेनाशा राईको करियोग्राफी, निरज कंडेलको सिनेमाटोग्राफी तथा सूर्य थोकरको एक्सन रहेको छ । आष्मा फिल्म्सको व्यानरमा निर्माण गरिएको सो चलचित्रको कथा निर्देशक खनालकै रहेको छ ।

Chapali girl Binita Baral

http://www.facebook.com/pages/Chapali-girl-Binita-Baral/266102786745515