भाईटीकाको दीन देखि देशब्यापी रिलिज हुने भनिएको चलचित्र 'हाम्रो माया जुनीजुनीलाई' को राजधानी रिलिज स्थगित भएको छ । पछिल्लो समय क्यू प्रणालीमा देखिएको विवादलाई सुल्भाउने प्रयास स्वरूप तथा साहरूख खान स्टारर फिल्म रा-वन रिलिज सोही दिनमा परेकाले भारतीय सिनेमाबाट पर्न जाने क्षति महसुस गर्दै चलचित्रको राजधानी रिलिज १८ गतेलाई सारिएको निर्माता प्रदीप उदयले जानकारी दिए ।
यस्तै राजधानी रिलिज स्थगित भएपछी सो चलचित्र मोफसलका एकाउन्न वटा हलमा मात्र सिमित हुने भएको छ । यस्तै एक साताको अन्तरमा राजधानीमा रिलिज गरिने उक्त फिल्म १८ गते देखि एक दर्जन बढी सिनेमा घरमा लगाईने तयारी भएको निर्माता उदयले जानकारी दिए । हाम्रो माया जुनीजुनीलाई पारिवारिक प्रेम कथामा आधारित चलचित्र हो जसलाई निर्देशन गरेका हुन ऋषि लामिछानेले । चलचित्रमा श्रीकृष्ण श्रेष्ठ, रेखा थापा तथा मुकेश ढकाल र नीता ढुङ्गाना प्रमुख भूमिकामा छन् ।
यस्तै हिजो शुक्रबारको रिलिजलाई ११ गतेका लागि पोष्टपोण्ड गरिएको प्रेम कथामा आधारित रोज राणाको एक्सन प्रधान चलचित्र 'म छु नि तिम्रो' र हाम्रो माया जुनीजुनीलाईको राजधानी बाहिर प्रदर्शनमा प्रतिष्पर्धा हुने निश्चित छ । जसकारण यि दुबै चलचित्रका निर्माताहरू आफ्नो फिल्मको प्रोमोशनमा निकै ब्यस्त हुन थालेका छन् । रोज र प्रदीपको युद्ध पनि भएकाले यि दुईले आफ्ना पछिल्लो फिल्म जुधाएका थिए । तर यसपालिको जुधाईको नतिजाले कसको पल्ला भारी बनाउला ११ गते नै कुर्नु पर्ने देखिन्छ ।
