'तिहारै आयो लौ झिलीमिली...' चलचित्र 'स्वर्ग' को यो गीत जब जब मिडियामा बज्न थाल्छ अनि हामीलाई तिहार आएको महसुस हुन्छ । भोलीबाट नेपालीहरूको दोस्रो महान चाड तिहार शुरू हुँदैछ । नेपाली चलचित्रमा चाडबाडलाई लक्षित गरि गीतहरू कमै बनेका छन् । जति छन् चर्चामा नै छन् ।
यहि चाडबाडलाई लक्षित गरेर निर्माण गरिएको चलचित्र 'पर्खिराख है' मा पनि तिहार बिशेष गीत प्रस्तुत गरिएको छ । जुन गीतलाई फिल्मीखबरले अनलाईन प्रिमियर गरेको छ । दिल श्रेष्ठको प्रस्तुती रहेको सो चलचित्रको 'झिलीमिली साँझ...' बोलको गीत अहिले हरेक मिडियामा बज्न थालेका छन् । सुरेश अधिकारीले संगीत दिएको सो चलचित्रको गीतलाई हरेक व्यक्तिले मन पराएको निर्माता श्रेष्ठको भनाई छ । अञ्जु पन्तले स्वर दिएको उक्त गीतमा अभिनेत्री मिथिला शर्माको आकर्षक नृत्य हेर्न सकिने छ ।
दिया फिल्मस् प्रोडक्शनको ब्यानरमा निर्माण गरिएको चलचित्र 'पर्खिराख है' आउँदो मंसिर १६ गते देशभरका सिनेमा घरमा लाग्नेछ । चलचित्रमा मुकेश ढकाल, मेलिना मानन्धर, दिल श्रेष्ठ र सञ्चिता लुईटेलको मुख्य अभिनय रहेको छ । बाबुराम ढकाल र अच्युत अधिकारीको संयुक्त लेखन रहेको सो चलचित्रमा हिमाल केसीको द्वन्द्व, कबिराज गहतराज, बसन्त श्रेष्ठ र शिव शर्माको कोरियोग्राफी, दिपक बज्राचार्यको सिनेमाटोग्राफी, बनिश शाहको सम्पादन रहेको छ ।
