हुन त उनी कात्तिक २३ गते जन्मिएकी हुन् । तर त्यो दिन लक्ष्मी पूजा परेकाले बुझ्ने भएपछी उनले हरेक बर्ष आफ्नो जन्मदिन मितीमा नभई लक्ष्मी पूजाका दिन मनाउने निर्णय गरिन् जसअनुरूप हरेक बर्ष लक्ष्मी पुजाको दिन उनलाई साथीभाईहरू अनि आफन्तले हृयाप्पी बर्थडे सुमिना भन्छन् र हामी पनि भन्छौ हृयाप्पी बर्थडे सुमिना ।
पछिल्लो समय नयाँ अनुहारको हिरोईनहरूको पंक्तिमा रूचाईएकी सुमिना घिमिरेले यदि उमेर सहि बताएकी हुन् भने आजबाट उनी २२ बर्ष पूरा भई २३ मा टेकिन् । उनी बुवा गंगा प्रसाद घिमिरे र आमा कृष्णा कुमारीको कान्छी छोरीको रूपमा २०४६ साल कात्तिक २३ गते लक्ष्मी पूजाको दिन जन्मिएकी हुन् ।
सुमिनाले चलचित्र 'छविलाल कन्जुस छैन' बाट फिल्मी करिअर सुरू गरेकी हुन् । जुन यात्रा उनको दशौं प्रोजेक्टको चलचित्र 'रङ' सम्म आईपुगेको छ । तर उनी अभिनित चलचित्र 'दुलही' र 'किन मायामा' मात्र रिलिज भएको छ भने बाँकि रिलिजको लिष्टमा छ । लक्ष्मी पुजाको दिन २२औ जन्मदिन मनाउने तयारी गरिरहेकी सुमिना बुधबार बिहानै पशुपतिनाथ दर्शन गर्न जादैछिन् ।
नयाँबानेश्वरबाट बालुवाटार सरेकी घिमिरेले सामाखुशीमा रहेका आफन्तमाझ भैलिनी खेल्दै बर्थडे केक काट्ने तयारी गरेकी छिन् । लक्ष्मी पुजाको दिन बर्थडे मनाउने तयारी गरिरहेकी सुमिनलाई फेरी पनि एक पटक हृयाप्पी बर्थडे ।
