गएको बैशाख महिनामा द् एन्जल ब्याण्डका गायक राजु लामासंग इन्गेजमेन्ट गरेकी अभित्रनेत्री पूजा चन्दले राजुसंगै अमेरिकामा रहेको निजी निवासमा यो बर्षको लक्ष्मी पुजा मनाएकी छिन् ।
उनले फेसबुकमा अपलोड गरेको तस्बिरहरूलाई शब्दमा उतार्ने हो भने यसपालिको लक्ष्मी पूजा उनको घरमा निकै भब्य थियो । तस्बिरमा उनको घर जुनकिरी बत्तीले झलमल्ल देखिएको छ । यस्तै घरको मूल ढोकामा पुजाले छोरी दिब्यासंग दियो समेत बाल्न भ्याएकी छिन् । दिब्या पूजाको पहिलो श्रीमान तर्फको छोरी हुन । यसैगरी धनधान्यकी देवी लक्ष्मीलाई निमन्त्रणा दिन उनले भब्यरूपमा पूजा सामग्री तयार गरी लक्ष्मी खुशी बनाएको देखिएको छ । तस्बिरमा उनले जान्दा नजान्दै सेलरोटी समेत पकाएर लक्ष्मी लाई चढाउन भ्याएको देखिएको छ । लक्ष्मी पुजा पश्चात पूजाले राजुसंग तस्बिर पनि खिचाएकी छिन् । लाग्छ सो तस्बिर हेर्दा यी दुई आजकालसंगै बस्छन् । यस्तै एक बर्षघि नेपाल आउदा स्लिम देखिएकी पूजा तस्बिरमा निकै मोटी देखिएकी छिन् ।
यसैगरी अमेरिकामै रहेकी अर्की अभिनेत्री सारंगा श्रेष्ठले पनि घरमा मन्दिर स्थापना गरी लक्ष्मी पूजा मनाएकी छिन् । प्राय जसो हट एण्ड सेक्सी पहिरनमा तस्बिर अपलोड गर्ने सारंगाले कलेजी कुर्तामा लक्ष्मी पुजा मनाएको तस्बिर उनको फेसबुक वालमा छ । विदेशमा रहेर पनि नेपाली संस्कृति विर्सन नसकेकोमा धन्यवाद छ यि दुई अभिनेत्रीलाई ।
