ससुराको कृतिलाई बुहारीले विशिष्ट ब्यक्तिहरू माझ लोकार्पण गर्न पाउनु पक्कै पनि बुहारीका लागि सौभाग्यकै कुरा हो । यो सौभाग्य पाउने भाग्यमानी बुहारी हुन् नायिका करिष्मा मानन्धर जसले एनआरएन ससुरा ईश्वर मान्धरको हाँस्यव्यङ्ग्य संग्रह 'ठट्यौली भाग २' लाई विशिष्ट ब्यक्ति माझ आज विमोचन गरिन् ।
ललितपुरको गोदावरी स्थित आफ्नै निवासमा भएको बृहत कार्यक्रममा विशिष्ट अतिथि हुदै ससुराको कृतिलाई करिष्माले विमोचन गरेकी हुन् । यस्तै कार्यक्रममा प्रमुख अतिथिका रूपमा निम्ताईएका बरिष्ठ चलचित्रकर्मी यादव खरेलले ईश्वर मान्धरको कविता संग्रह 'म आकाश र ताराहरू' को विमोचन गरे । समकालिन साथी समेत रहेका खरेलले ईश्वरको ब्यक्तित्वको चर्चा गरेका थिए । ईश्वर मानन्धर करिष्मा पति एवं निर्माता विनोद मानन्धरका पिता हुन् जो लामो समय देखि लण्डनमा होटल ब्यावसाय गरेर बसिरहेका छन् ।.jpg)
कार्यक्रममा बताईए अनुसार लण्डनमा नेपाली रेष्टुरा खोल्ने पहिलो ब्यक्ति ईश्वर मान्नधर नै हुन रे ! यस्तै ससुराको कृति विमोचन गरेकी अभिनेत्री मानन्धरले साहित्य प्रति आफ्नो रूची त्यति नभए पनि ससुराको यो कृति पक्कै पढ्ने बताएकी छिन् । 'यस अघि पनि बुवाले पुस्तकहरू प्रकाशित गर्नु भएको थियो जसलाई मन लगाएर मैले पढिन तर यो चाहि पक्कै पढ्ने छु' उनले भनिन् ।
करिष्मा फेसन, स्वास्थ्य, अध्यात्म तथा योग सम्बन्धी पुस्तकहरू पढ्न ज्यादा रूचाउछिन् । ससुराको पुस्तक विमोचन पश्चात तपाईको कृति चाहि कहिले सम्म पढ्न पाईन्छ नि ? भन्ने फिल्मीखबरको प्रश्नमा उनले अत्तालिदै भनिन्, 'किताव लेख्ने कुरा त सोध्दै न सोध्नुस बरू म एउटा राम्रो पाठक हुन सकुला तर लेखक चाहि कदापि हुन सक्दिन ।'
