हिन्दी चलचित्रलाई प्राथिमिकता नदिएर निरन्तर रुपमा नेपाली चलचित्र मात्रै प्रदर्शनमा ल्याउने चलचित्र भवनहरु हामी कहाँ कमै मात्रै छन् । झन् पछिल्लो समय डिजिटल प्रविधिमा सिनेमा हल परिणत हुन थालेपछी त के गाँउ के शहर प्रदर्शकहरूले हिन्दी चलचित्रलाई पहिलो प्राथिमिकता दिएर चलाउने गरेका छन् ।
धरानमा रहेको गणेश टाकिज उपत्यका बाहिरका हलहरु मध्य नेपाली चलचित्रलाई मात्रै प्राथिमिकता दिएर चलाउने हालको रुपमा चिनिन्छ । तर अहिले आएर हलको यो परिचय बदलिन पुगेको छ । बिगत दश वर्ष देखी नेपाली चलचित्र मात्रै प्रदर्शन गर्दै आएको यो हलले बुधबार बाट हिन्दि चलचित्र रा वन चलाएपछि नेपाली चलचित्र प्रदर्शनको को निरन्तरतामा ब्रेक लागेको छ । गत जेष्ठ महिना बाट डिजिटल प्रविधिमा परिणत भएको उक्त हलमा क्यूव सिस्टम बाट चलचित्र प्रदर्शन भइ रहेका छन् ।
२०५८ सालको संकटकालको समय देखि हिन्दी चलचित्र प्रदर्शन हुन छोडेको यो हलमा एकदशक पश्चात हिन्दी चलचित्रको प्रदर्शन सुरु गरिएको हो । हिन्दी चलचित्र लगाउनु भएछ नि कारण केहोला भन्ने फिल्मीखबरको प्रश्नमा गणेश टाकिज निर्देशक भोला श्रेष्ठले भने प्रतिस्पर्धा र समयको मागले आफू हिन्दी चलचित्र चलाउन बाध्य भएको हु । यस्तै उनले हिन्दि चलचित्र लगाउन थाले पछि गणेश टाकिजमा कहिलै फिल्म हेर्न नआउने दर्शकहरु पनि आउन थालेका बताएका छन् ।
