सशस्त्र द्धन्दका कारण एक दशक अघि बन्द भएको मोरङ्गको नेता चौकमा रहेको कंञ्चन टाकिज पुनः सञ्चालनमा आएको छ ।
दमक स्थित पाथिभरा हलका सञ्चालक चैतन्य बराल र बेलबारी स्थित सारदा हलका संञ्चालक गोपाल सुवेदीको पहलमा पुनः संञ्चालनमा आएको उक्त हलमा नेपाली दर्शकको उपस्थिति सोचे भन्दा माथि भएकाले आफूहरू अझ उत्साहित भएको सञ्चालकद्धयको प्रतिक्रिया छ । नयाँ प्रविधि र सुविधा सहित हलको पुनः निर्माण भएपछी सो हलमा झोराहाट, रंगेली लगायतका स्थानिय दर्शकहरू उत्साहित भएका छन् ।
यहाँका स्थानिय बासिन्दाले नेपाली चलचित्र हेर्न कि विराटनगर कि दमक- इटहरी धाउनु पर्ने वा भनौ सिडीको भरमा फिल्मी रोमान्स लिने गर्दथे । तर सो बाध्यतालाई केही हद सम्म आफूहरूले कम गर्ने प्रयास गर्न कुनै कन्जुर्साई नगर्ने संञ्चालक बरालको भनाई छ । सो टाकिज २०५० सालमा स्थापना भएको थियो जुन आठ बर्ष सञ्चालन भएर २०५८ साल देखि बन्द भएको थियो । अहिले कंञ्चन टाकिजमा चलचित्र मेरो लभस्टोरी लगाईएको छ ।
