सायद एक महिनाको भ्याकेसनले थकाई नमेटिएर होला महानायक राजेश हमाल नेपाल फर्किए पछी पनि अझै दुई दिन रेष्ट गर्ने सोचाईमा छन् । आफू नेपाल फर्किएको खबर तत्काल बाहिर नओस भन्ने सोच बनाएका उनी सोमबार दिउसो दुई बजेको फ्लाईटबाट नेपाल आएको पुष्टी भएको छ ।
राजेश दशैको छेकोमा अमेरिका गएका थिए । यस्तै उनी बैककमा रहेको भन्ने विभिन्न खबरहरु सार्वजनिक भएपनि महानायकका सहायोगी चिरञ्जीवी आचार्यले सो खबर गलत भएको दावी गरेका छन् । तर अमेरिकामा रहेका केही जर्नलष्टिहरुसंग बुझ्ने क्रममा हमाल अमेरिका आएको बारेमा कसैलाई थाहा नभएको खबरहरु प्राप्त भएका छन् । पस्रनल लाईफलाई रहस्य बनाउदै आएका हमाल एक महिने भ्याकेसनमा कहाँ थिए भन्ने प्रमाण फेला नपिरसकेकाले उनी थाईल्याण्डमा थिए वा न्यूयोर्कमा त्यो उनीनै जानुन तर हिजो देखि उनी कपुरधारामा रहेको आफ्नो निवासमा रेष्ट गरिरहेका छन् ।
राजेशलाई रिसिभ गर्न सहयोग चिराजीवी एयरपोर्ट गएका थिए । हमाल दुई दिनको रेष्ट पश्चात भोली हुन लागेको चलचित्र 'फर्कि आऊ' को अडियो विमोचनमा सहभागी हुदैछन् । सोही चलचित्रकै लागि निर्देशक ओम प्रतिकले एक बर्षअघि उनको लामो कपाल चैट गर्न लगाएका थिए । सो चलचित्रमा उनी योङ डिएसपीको भूमिकामा प्रस्तुत भएका छन् । फर्कि आऊ कात्तिक २५ गते देखि देशब्यापी प्रदर्शन हुदैछ ।
