एक्सन नायकले परिचित बिराज भट्ट र अंगप्रदर्शनमा खुल्ला बिचार राख्ने अहिलेकी चर्चित नायिका रेखा थापाको बोलचाल नभएको कुरा थाहा नपाउने सायदै कम होलान् । यि दुईको अहिले बोलचाल नभए पनि एकसाथ अभिनय गरेका चलचित्रको रिलिज लिस्ट भने अझै केहि छन् ।

बिराज र रेखाले अभिनय गरेका अधिकांश चलचित्रले इनिसियल व्यापार गरेको पाईन्छ । अझ बिराज भट्ट त रेखा फिल्म्सकै दुई चलचित्र 'किस्मत' र 'हिम्मत' बाट चम्केका हुन् । अहिले यि दुई अभिनित चलचित्र 'तोड' रिलिजको क्रममा छ । सोही चलचित्रमा रेखा र बिराजले अभिनय गरेको 'गरम गरम हावाले....' बोलको गीत पनि अहिले चर्चामा आउन थालेको छ । जुन गीतलाई फिल्मीखबरले पनि प्रस्तुत गरेको छ ।

राजेन्द्र थापाको शब्दमा महेश खड्काको संगीत रहेको सो गीतमा दिनेश अधिकारीले रेखा र बिराजलाई ग्ल्यामर रूपमा प्रस्तुत गराएका छन् । अझ भनौं सो गीतमा रेखाको हट डान्स हेर्न सकिने छ । उपत्यका बाहिर सफल प्रदर्शन पश्चात राजधानी भित्रन लागेको उक्त गीतलाई मात्र हैन चलचित्रलाई पनि दर्शकले रूचाउने निर्माता निर्देशक राजन श्रेष्ठको दाबि छ ।

निर्देशकका अनुसार रेखा र बिराजको यस चलचित्रले गीतमा भने जस्तै सबै दर्शकलाई गर्माउने छ । चलचित्रको कथाबस्तु, मेकिङ तथा कलाकारको अभिनय राम्रो भएकाले पनि दर्शकले आफ्नो चलचित्रलाई मनपराउने बिश्वास निर्देशकको छ । निर्माता तथा निर्देशक राजनकै छोरीको सम्झनामा सत्यघटनामा आधारित रहेर निर्माण गरिएको भनिएको सो चलचित्र सम्भवत यहि मंसिर महिनाको पहिलो साता रिलिज हुनेछ । चलचित्रमा सुमन सिंह, उमा बेबी, रोशन श्रेष्ठ, सौजन्य सुब्बा लगायतको पनि मुख्य भुमिका रहेको छ ।