हिरो विमलेश अधिकारी भन्छन्, 'उमेरले म तीस काटेको छैन तर यति नै हो भनेर चाहि म आफ्नो उमेर खुलाउदिन ।' एक शताब्दीमा महिना र तारिख समेत एउटै परेको संयोगका बेला आफ्नो जन्मदिन परेकोमा खुशी भएका हिरो विमलेशले आज आफ्नो जन्मदिन मनाउदैछन् त्यो पनि पहिलो पटक केक काटेर ।
आमा सुमित्रा र बाबु सुरेशको कान्छो सन्तानको रुपमा विराटगरमा जन्मिएका विमलेश म्यूजिक भिडियोको हिरो हुदै सिनेमाको हिरो भएका हुन । उनले तीन वटा चलचित्र 'को हुँ म', 'तुलसी' र 'ब्रेक फेल' मा अभिनय गरिसेकेका छन् । जस मध्ये ब्रेक फेल रिलिज भैसको छ । अर्को चलचित्र 'तुलसी' को अहिले पोष्टप्रोड्क्सनको काम भईरहेको छ । जुन चलचित्र उनका लागि ड्रिम प्रोजेक्ट पनि हो ।
जीवनकालमै पहिलो पटक औपचारिक रुपमा बर्थडे सेलिब्रेट गर्न लागेका विमलेश आज बिहान पशुपति नाथ दर्शन गर्न गएछन् । साथै उनी बेलुकी शान्तिनगरमा रहेको आफ्नै निवासमा फ्यामेलि पार्टीमा रम्ने छन् । जहाँ आफ्ना निकट चलचित्रकर्मी पनि उपस्थित हुने उनले बताए । 'जीवनमा पहिलो पटक यसरी बर्थडे मनाउदैछु त्यसैले कहिले बेलुका होला जस्तो भएको छ', बर्थडे वीस लिदै विमलेशले भने ।
उमेर कति हो भनेर नखुलाए पनि बिमलेशलाई जन्मदिनको शुभकामना !
