लागुपदार्थ सेवन र त्यसबाट समाज तथा परिवारमा पर्न जाने असरलाई केन्द्रबिन्दूमा राखेर निर्माण गरिएको चलचित्र 'मेरो माया तिमीलाई' को सोमबार राजधानीमा प्रिमियर गरियो ।
मंसिर ८ गते देखि राजधानी बाहिर र ९ गते राजधानीका सिनेमा घरमा चल्न लागेको सो चलचित्रको प्रिमियर समारोहमा चलचित्रका निर्देशक, कलाकार देखि प्राबिधिक अनि सञ्चारकर्मीहरूको उपस्थिती रहेको थियो । समाजमा भईरहेका थुप्रै घटनालाई प्रस्तुत गरिएको सो चलचित्रले राम्रो संदेश दिने प्रिमियर हेर्न आएका दर्शकको भनाई थियो ।
डिक खड्काको प्रस्तुतीमा योगेश घिमिरेले निर्देशन गरेको सो चलचित्रमा नवप्रस्तुतीको रूपमा अनुप बिक्रम शाहले अभिनय गरेका छन् । बुझ्नमा आए अनुसार नवनायक अनुप बिक्रमको वास्तविक जीवनमा घटेको कथालाई पर्दामा प्रस्तुत गरिएको हो । यसैगरी सो चलचित्रमा शुशिल क्षेत्री, जेशिका खड्का, रबिन्द्र खड्का, रश्मी भट्ट, बालदिप राई लगायतले अभिनय गरेका छन् ।
प्रसिद्दी सिनेमेकर्सको व्यानरमा निर्माण भएको सो चलचित्रमा सूर्य लामा र मेघराज पौडेलको पनि लगानी रहेको छ । प्रकाश बस्नेत, मनोज सिं, सूर्य कार्की, कोशिश क्षेत्री र दिपक ओलीको संगीत रहेको चलचित्रमा सूर्य लामाको कथा, जिबी रूवालीको पटकथा तथा संवाद, हिमाल केसीको द्वन्द र गणेश श्रेष्ठको छायाँकन रहेको छ ।
