जीवन लुईटेल अगाडी अगाडी भाग्दै थिए भने उनको पछाडी पछाडी सुमन सिंह हातमा तरवार लिएर उनलाई लखेट्दै थिए । केहि बेर जीवनले सुमनलाई छल्दै भाग्ने प्रयास गरे । सुमनले पनि जीवन माथी तरवारले प्रहार निरन्तर रूपमा गरिरहे । केहि बेरको घम्सा घम्सी पछि जीवन सुमनको प्रहार छल्न नसक्दा बिदा लिन बाध्य हुन्छन् ।
साचिँनै यस्तो प्रतिस्पर्धा वास्तविक भयो भने के होला ? तर उल्लेखित प्रतिस्पर्धा भने चलचित्र Black Mail का लागी नायक जीवन लुईटेल र अर्का नायक सुमन सिंह बिच भएको हो । गएको ३ दिन देखी पोखरा लगायत आसपासका ठाउँहरुमा चलचित्र Black Mail को छायाङकन भइरहेको छ । बिहीबार सम्म स्याङजाको भालु पहाड र रामकोटमा गीतको छायाङकन गरेको ब्ल्याक मेलको आज शुक्रबार कास्कीको हेम्जामा एक्सन सिनको छायाङकन भईरहेको छ । जहाँ चलचित्रकी नायिका स्वेता भट्टराईले सपनामा नायक जीवनलाई सुमनले लखेट्दै तरबारले हानेर मारेको देख्छिन् ।
मदुसुदन भट्टराईको निर्देशनमा सरद अधिकारीले निर्माण गरेको Black Mail सस्पेन्स थ्रिलर चलचित्र हो । कथाको बारेमा चलचित्र युनिटले खासै केही बताउन नचाहे पनि चलचित्रमा माया प्रेमको बिषयलाई उठाईएको बुझीएको छ । ७५ प्रतिशत छायाङकन सकिसकेको चलचित्रको बाँकि सिनको पोखरामै इन्ड क्ल्याप गरिने निर्देशक भट्टराईले जानकारी दिए । त्यो बिचमा मौसमले साथ दिएमा केही सिन खिच्नको लागी जोमसोम पनि जाने योजना रहेको युनिटले बताएको छ ।
शिव ढकालको छायाँङनमा सुटिङ भईरहेको Black Mail मा सङगीत अर्जुन पोखरेल र बिपीन आर्चायले दिएका छन् । चलचित्रमा जीवन लुईटेल, सुमन सिंह, स्वेता भट्टराई, आरपी पन्त, दिनेश शर्मा लगायतको अभिनय रहेको छ भने द्धन्द योगेन्द्र श्रेष्ठ दिएका छन् ।
