चलचित्रमा किस सिन प्रयोग गर्ने पछिल्लो ट्रेनबाट चलचित्र 'छबिलाल कन्जुस छैन' पनि अछुतो रहन सकेन । कथाको माग अनुरूप निर्देशक ज्ञानेन्द्र देउजाले नायिका सुमिना घिमिरेलाई डेब्यू फिल्ममै नायक सुमन सिंहसँग किस गराए । जसले गर्दा सुमिनाका लागि पहिलो चलचित्र पक्कै पनि अविश्मरणिय भयो होला ।
पहिलो चलचित्रमा नै किस गर्न लगाए पछि पक्कै पनि सुमिनालाई सहज भएन होला । निर्माण युनिटका अनुसार किस सिनको सट दिने बेला सुमिना निकै नर्भस भएकी थिईन् रे ! नायिका निरूता सिंहको प्याटर्नमा जान खोजेकी सुमिनालाई सो चलचित्रमा सुमन सिंहसँग हट जोडी बनाएर प्रस्तुत गरिएको निर्माण युनिट बताउँछ ।
टिनेजरहरूलाई लक्षित गरि निर्माण गरिएको सो चलचित्रमा नायिका सुमिना र नायक सुमनले टिनेजर युवायुवतीको प्रतिनिधित्व गरेका छन् । त्यसैले अहिलेका टिनेजर युवायुवतीले गर्ने माया प्रेमलाई चलचित्रमा प्रस्तुत गरिएको छ । त्यसैले पनि होला चलचित्र भ्यालेनटाईन डेको अवसर पारेर रिलिज गरिंदै छ भने पोस्टरमा पनि 'ह्याप्पी भ्यालेनटाईन डे' भनेर उल्लेख गरिएको छ ।
सुमिना र सुमनको हट किस सिन भएको रोमान्टिक गितलाई फिल्मीखबरले केहि समयमा वर्ल्ड प्रिमियर पनि गर्दैछ । ज्ञानेन्द्र देउजाको निर्देशनमा संजय कुटुले निर्माण गरेको चलचित्र 'छबिलाल कन्जुस छैन' मा राजेश हमाल, निर शाह, सुमन सिंह, सुमिना घिमिरे र बिष्णु सापकोटाको मुख्य अभिनय गरेको छ । चलचित्रमा मौनता श्रेष्ठको लेखन, महेश खड्काको संगीत, हिमाल केसीको द्वन्द, बसन्त श्रेष्ठको नृत्य र रामशरण उप्रेतीको छायाँकन रहेको छ ।
