पछिल्लो समय ब्यस्त सूचीमा परेका नायक सुमन सिंह र चलचित्रबाट सन्यास लिने हल्ला मच्चाएकी नायिका सुमिना घिमिरेलाई फिल्मीखबरले सार्वजनिक गरेको प्रस्तुत गीतमा निकै रोमान्टिक भएको हेर्न सकिन्छ ।
माघ महिनाको अन्तिम साता प्रदर्शन हुने भनिएको चलचित्र 'छबिलाल कन्जुस छैन' मा सुमन र सुमिनाले अनस्क्रिन रोमान्स गरेको प्रस्ट देखिन्छ । यसै चलचित्रबाट डेब्यू गरेकी सुमिनाले प्रस्तुत गीतमा सुमनलाई मज्जाले किस गरेकी छिन् । प्रेम दिवसको अवसर पारेर रिलिज गर्न लागिएको सो चलचित्र युवापुस्तामा केन्द्रित रहेकाले सुमन र सुमिनाले प्रेमलाई मज्जाले दर्शाएका छन् ।
सुमन र सुमिनाको अनस्क्रिन प्रेममा यति निकटता छ कि उनीहरू किस सिन दिन पनि पछि परेनन् । दर्शकलाई आनन्द दिन करियोग्राफर बसन्त श्रेष्ठले सुमन र सुमिनालाई रोमान्टिक रूपमा प्रस्तुत गरेका हुन् । नगरकोट र पोखराका रमणिय स्थानमा छायाँकन गरिएको उक्त गीतलाई डा कृष्णहरी बरालले लेखेका हुन् भने संगित महेश खड्काको रहेको छ । यसैगरी उक्त गीतमा दिपक लिम्बु र अन्जना गुरूङको स्वर सुन्न सकिन्छ ।
ज्ञानेन्द्र देउजाको निर्देशनमा संजय कुटुले निर्माण गरेको चलचित्र 'छबिलाल कन्जुस छैन' मा राजेश हमाल, निर शाह, बिष्णु सापकोटाको पनि मुख्य भुमिका रहेको छ ।
मायालु लाग्न थाल्यो...
