अनलाइन सोसल नेटवर्क फेसवुक एकाउन्टमा दर्जनौ फेक आईडी फेला परिरहेका बेला अभिनेत्री करिश्मा मानन्धरको नाममा अपरिचत ब्यक्तिले ब्लग सञ्चालन गरेको पाईएको छ ।
करिश्मा मानन्धर डटकम रजिष्ट्रेशन उक्त ब्लग करिब दुई महिना देखि सञ्चालनमा आएको पोष्ट गरिएका करिश्मा सम्बन्धीत अपडेटहरूले देखाएको छ । ब्लग अपडेट करिब एक बर्ष अघि उनी एक मसाज केन्द्रमा टपलेस भएको तस्बिर र छोटो बायोग्राफीबाट सुरू गरिएको छ ।
ब्लगको बारेमा फिल्मीखबरले करिश्मालाई प्रश्न गर्दा उनले अचम्म मान्दै भनिन्, 'ए होर मलाई त थाहा नै छैन ।' ब्लगमा उनले पछिल्ला समय सार्बजनिक कार्यक्रममा भाग लिएका तस्बिर र न्यूजहरू राखिएको छ । यस्तै उनीद्धारा अभिनित चलचित्रहरूको यूट्यूव लिकं पनि ब्लगमा समावेश छ । त्यस्तै ब्लगमा २००८ मा उनले एक स्टेज प्रोग्राममा नाचेको भिडियो, एविसी टेलिभिजनमा दिएको अर्न्तवार्ता लगायत उनीसंग सम्बन्धीत दर्जनौ स्टील फोटोहरूको ग्यालरी तथा उनको फिल्मोग्राफीका बारेमा उल्लेख गरिएको छ ।
आफूलाई सम्मान गर्नेहरूले सकारात्मक तवरले त्यसरी ब्लग खोलिदिएको प्रति उनको आपत्ति छैन । यध्यपी अनुमति लिएर ब्लग सञ्चालन गरेको भए भए बेस हुने उनको धारणा छ । तर सोसल नेटवर्क फेसबुकमा खोलिएका आफ्ना दर्जनौ फेक फेसबुक आईडीबाट उनी हैरान भएकी छिन् । उनले भनिन्, 'कवितासंग कालो ड्रेसमा भएको प्रोफाईल पिक्चर एकाउन्ट नै मेरो हो त्यसैले साथी बन्न चाहनेहरूले सो एकाउन्टमा रिक्वेष्ट पठाए हुन्छ ।' कविता उनको एकमात्र छोरी हुन् ।
