शनिबार साँझ काठमाण्डूको पुतलीसडकमा रहेको 'नो नेम क्याफे एण्ड पव' मा आयोजित एक गैरफिल्मी कार्यक्रममा नायक रेश मरहठ्ठा निकै हर्षित मुद्रामा उपस्थित भएका थिए । तर फिल्मीखबर प्रतिनिधिलाई अकस्मात देख्दा उनी केही बेर अत्तालिए ।

रेश अत्तालिनुका कारण थियो उनीसंगै रहेकी एक युवती । हेर्दा निकै राम्री देखिने ती युवतीसंग रेशको बोलाई र हिडाई हेर्दा लाग्थ्यो उनीहरुको निकटता निकै गहिरो छ  । रिलोडेड मिसन पैसाको सुटिङबाट सिधै कार्यक्रम स्थलमा आएका रेश अन्य बेलाको भन्दा साधारण पहिरनमा थिए तर उनीसंगकी ती युवती आकर्षक पहिरनमा थिईन् । 

हाईहेल्लो गर्दे पवमा रकस्टार युथहरुले गीत गाईरहेका बेला रातो कोट लगाउने ती युवतीसंग उनी रमाईरहेका थिए तर जव फिल्मीखबरको क्यामेराले उनी सहित उनको साथीको तस्बिर एउटै फ्रेममा पारेर कैद गर्न सफल भयो तव रेश  झसङ्ग भए र साथीलाई लिएर बाहिरिए । यसै क्रममा रेशलाई फिल्मीखबरले संगै रहेको ती साथी को हुन् भनि प्रश्न गर्दा उनले भने, 'उनी साथी मात्र हुन् । अरु कुरा नसोध्नुस् ।'

मुड बनाएर पार्टीमा रमाईलो गर्न आएका रेश करिब पन्ध्र मिनेट पछी ती युवतीसंगै बाहिरिएका थिए । उनले शेयर मार्केट भवनको अन्डरग्राउण्डमा पार्किङ गरेको गाडीलाई आफै ड्राईभ गरी निस्किएका थिए । अन्य समय ड्राईभर बिना नहिड्ने उनी आज भने विना ड्राईभर निस्किएका थिए । गाडी चढेर उनीहरू कहाँ गए त्यो भने उनीहरू नै जानुन् । तर चन्द्र ग्रहणको दिन महिला साथीसंग भेटिएका रेशको मित्रतामा भने ग्रहण नलागोस् फिल्मीखबरको शुभकामना !