लामो समय भएको थियो निरूता सिंह मिडिया माँझ नघेरिएकी तर बुधबार 'द गेम' को प्रिमियरमा गर्जियस भएर उपस्थित भएकी उनी सम्भवत: जीवनकालमै त्यसरी मिडियाकर्मीमाझ घेरिएकी थिईनन् होला जसकारण उनलाई प्रिमियरमा अर्न्तवार्ता दिन निकै भ्याईनभ्याई भयो ।
अझ मिडियाले त उनको पर्सनल अर्न्तवार्ता र फोटोका लागि त झन लामै समय कुर्नु पर्यो । रक्षा सिंह राणा निर्देशित 'द गेम' को प्रोमोशनका लागि मात्र गत बिहीबार मुम्बईबाट काठमाण्डू आएकी निरूता करिब दुई बर्ष पश्चात ठूलो फिल्मीजमघटमा देखा परेकी हुन् जसकारण उनी मिडियाको नजरमा खोजीको पात्र थिईन् । 'द गेम' मा निरूता, झरना थापा, सुमन सिंह, नवप्रस्तुतीमा वि.एन राणासंगै लिडरोलमा छिन् । कार्यक्रममा निरूतालाई देख्ने वित्तिकै झरना लगायतका अन्य चलचित्रकर्मीले उनलाई अगालो हाल्दै उनको पछिल्लो खबर प्रत्यक्ष बुझेका थिए । 
तिहार मय उक्त प्रिमियरमा रेडकार्पेट भने विच्र्छाईएको थिएन तर फिल्ममेकर र सिने जर्नलिष्टहरूको उपस्थितिले जय नेपाल हल भरिभराउ थियो । माईग्रेनकी सिकार निरूताले लामो समयपछी ठूलो फिल्मी जमघटमा उपस्थित हुन पाउदा ज्यादै खुशी लागेको बताईन् । उनले भनिन्, 'अति नै खुशी लागेको छ अझै पनि म सवैको प्रिय रहेछु ।'
डरको प्रिमियरमा सहभागी भएकी निरूता करिब दुई बर्ष पश्चात 'द गेम' को प्रिमियर शोमा देखिएकी हुन् । अन्वेषिका फिल्मसको प्रस्तुतीमा बुनु बिष्ट र मधुदेवी राणाले निर्माण गरेको उक्त चलचित्र आगामी शुक्रबार देखि देशभरिका करिब ६० वटा सिनेमा घरमा रिलिज हुदैछ । आलोकश्रीद्धारा संगीतबद्ध चलचित्रमा वि.एस. राणा, सुशिल पोखरेल, सम्पन्न श्रेष्ठ पनि मुख्य भूमिकामा छन् । चलचित्रलाई राजुविक्रम थापाले छायाकंन गरेका हुन् भने द्धन्द निर्देशन एनबी महर्जनको छ ।
