विश्व चर्चित सामाजिक संस्था जेसिसको नेपाल शाखाले बर्ष २०११ को उत्कृष्ट युवा घोषित गर्दै अभिनेता राजबल्लभ कोइरालालाई उत्कृष्ट युवा पुरस्कारले सम्मान गरेको छ ।
शुक्रबार चितवनमा भएको कार्यक्रममा एकीकृत माओवादीका अध्यक्ष प्रचण्ड र नेपाल जेसिसका राष्ट्रिय अध्यक्ष महेश दाहालले उनलाई गोल्ड मेडल सहित नगद र प्रमाणपत्रले सम्मान गरे । विभिन्न विद्यामा चर्चा कमाएका युवाहरूको साथमा छोटो समयमा कला क्षेत्रबाट सफलता हासिल गर्न सफल भएको भन्दै उनलाई जेसिसले बर्ष २०११ को उत्कृष्ट युवा घोषित गरेको हो ।
ठूलो संस्थाबाट सम्मान पाएपछी राजबल्लभले सम्मान गरेको संस्था जेजिस प्रति कृतज्ञता ब्यक्त गर्दै उक्त सम्मानलाई खुशीको रूपमा साथी भाई र शुभचिन्तक प्रति समर्पित गरे । रेडियो उद्घोषक हुदै चार बर्ष अघि चलचित्र 'पर्खि बसे' बाट सिनेमामा डेब्यू गरेका उनी भलादमी नायकको रूपमा गनिन्छन् ।
राजबल्लभले हाल सम्म करिब दुई दर्जन सिनेमामा अभिनय गरिसेकका छन् । उनी हाल 'ए फर अमेरिका' को सुटिङका लागि अमेरिका जाने तयारीमा छन् भने हलिउड फिल्म 'हाईवे टू धम्पुस' का लागि पनि विभिन्न तयारी गरिरहेका छन् ।
