अर्न्तराष्ट्रिय नयाँ बर्ष २०१२ को रौनकले नेपालीलाई पनि छोएको छ । नयाँ बर्ष सुरू हुनु साता अघिदेखि सिगारिने काठमाण्डू शहरको बाताबरण यसपालि अलि छिटो सिगारिएको छ ।
सान्ता क्लज अंकित गिफ्ट र क्रिसमस ट्रीमा रमाएका सिने सेलि ब्रेटी क्रिसमस जस्तै न्यू इयर इयरको तयारीमा पनि विभिन्न प्लान बनाईरहेका छन् । जस मध्ये किस किलर हिरो मुकेश ढकालको न्यू इयर यो बर्ष अलि भिन्न ढङ्गले वित्ने भएको छ ।
गत बर्ष २०११ लाई स्वगात गर्न दरबार मार्ग लगायत विभिन्न स्थानमा आयोजनामा भएका न्यू इयर इभ पार्टीमा मज्जा लुटेका मुकेश यसपालि थाईल्याण्डमा गएर नयाँ बर्षलाई स्वागत गर्दैछन् । 'साथीहरूले निम्ता गरे अनि जान लागेको । मुड फ्रेस पनि हुन्छ', थाईल्याण्ड भ्रमणका बारेमा मुकेशले भने । उनी करिब दुई साता थाईल्याण्ड बस्दै छन् ।
यस्तै थाईल्याण्ड भ्रमणको सिलसिलामा उनले नेपाली फिल्मको मार्केट कस्तो छ भन्ने कुरा पनि बुझेर आउने बताए । उनले भने, 'धेरै नेपाली थाईल्याण्डमा छन् त्यसैले सिनेमाको मार्केट पनि यहि मौकामा बुझ्ने छु ।' अभिनेत्री मेलिना मानन्धर पति मुकेश आउदो शुक्रबार एक्लै बैङकक तर्फको उडान भर्दैछन् ।
