कैलालीका स्थानीय बासीहरुले चर्चित नायक राजेश हमाललाई धनगढीमा भव्य स्वागत गरेका छन् । सुदूरपश्चिम देउडा महोत्सव उद्घाटन गर्न आएका नायक हमाललाई आयोजक सुदूरपश्चिम साँस्कृतिक समुहले गेटा स्थित धनगढी बिमानिस्थलबाट मोटरसाईकल र्याली सहित धनगढी पुर्याएका थिए ।
नायक हमाललाई सुदूरपश्चिमको संस्कृती प्रदर्शन गरेर धनगढीको ट्रफिक चौराहा देखी डिभोटी होटलसम्म झाँकी सहितको र्याली गरिएको थियो । नायक हमाल महोत्सव उद्घाटनका लागि धनगढी आएका हुन् । हमालको धनगढीमा तिन दिनको बसाई रहने आयोजकले बताएको छ । उनलाई उच्च सर्तकता सहित धनगढीको डिभोटी होटलमा बसाईएको छ । हमाललाई गेटा बिमानिस्थलमा उनका सयौ फ्यानहरु पुगेका थिए ।
आजबाट शुरू महोत्सवमा सहभागी हुन नायिका रेखा थापा र अभिनेता सुनिल थापा पनि कैलाली आउँदैछन् र सुदूरपश्चिमको कला संस्कृतिलाई नजिकबाट नियाल्ने छन् ।
