गलत जन्म मिती राखेका कारण अभिनेता आयुष रिजालका सयौ फ्यानहरुले उनलाई आज जन्म दिन विस गरिरहेका छन् ।
आयुषको फेसबुक भित्ता भरी हिजो देखि जन्मदिनका म्यासेजहरु पोष्ट भैरहेका छन् । सयौको संख्यामा आयुषलाई फ्यानहरुले फेसबुकमा बर्थडे विस गरिरहदा उनी भने आज एक दिन सुटिङ नहुदा घरमा रेष्ट गरिरहेका छन् । फेसबुकमा देखिएको गलत जन्मदिनको बारेमा सोध्दा उनले भने, 'मेरो फेसबुकको बर्थडेमा कन्सस नहुन आग्रह गर्दछु । किन कि मेरो एकाउन्ट बेला बेलामा ह्याक भैरहन्छ ।'
फ्यानसंग प्रत्यक्ष सम्बादका लागि गत बर्ष फेसबुका सदस्य बनेका उनी त्यति धेरै अनलाईन नबस्ने पनि बताए । उनले भने, 'दर्शकसंग प्रत्यक्ष सम्पर्कका लागि एकाउन्ट खोलेको थिए तर पछी कसैले चलाएको थाहा पाएपछी अनलाईन त्यति बस्दिन तर पनि झुक्किएर मलाई बीस गर्ने सम्पूर्ण फ्यानहरुलाई धन्यवाद ।'
हाल प्रदीप श्रेष्ठको निर्देशनमा छायाकंनरत चलचित्र मेरो मनको साथीमा ब्यस्त आयुषको फेब्रुअरी ६ तारिखका दिन जन्म दिन हो ।
