मंसिर महिनामा प्रदर्शनमा आउने भनिए पनि दुई महिना पर धकेलिएको शोभित बस्नेत निर्देशित चलचित्र प्लानको रिलिज डेट फेरी सरेको छ ।
माघको दोस्रो साता फिल्म चलाउने डेट फिक्स गरेका बस्नेतले च्यारिटी शो हुने भएपछी थप दुई महिना रिलिज नगरिने जानकारी दिए । हाल २४ औँ चलचित्रको रूपमा 'दुलही रानी' छायाकंनमा ब्यस्त रहेका शोभितले भने, 'प्लानको सेन्सर पनि भयो त्यसैले अब च्यारीटी शो त्यसपछी मात्र फिल्म रिलिज गरिने निर्णय गरिएको छ ।'
डिजेहरूको कथामा आधारित प्लानले विना काटछाट यूनिर्भसल र्सर्टिफिकेट पाएको शोभितले जानकारी दिए । सेन्सर मंगलबार साँझ गरिएको थियो । फिल्मको च्यारिटी शो राजधानी बाहिरका करिब एक दर्जन स्थानमा हुने बताईएको छ । कविता श्रेष्ठसंगको जोईन्ट भेन्चरमा फिल्म बनाएका शोभितको उक्त फिल्ममा रागिनी खड्गी, सन्यास घोषणा गरेर घरजम गरेकी नायिका अनुष्का ढकाल र अनिता दाहालको साथमा अभिनेता मुकेश ढकाल लिड रोलमा छन् ।
रिलिज डेट पुन धकेलिएको उक्त फिल्म सम्भवत नयाँ बर्ष २०६९ को छेकोमा दर्शकले हेर्न पाउने छन् । चलचित्रको प्रोमोशन स्वरूप फ्याकिएको 'चिसो छ यो मौसम...' बोलको गीत हिट भैसकेको छ । गीतका लागि लिंकमा क्लिक गर्नुस् !
