फिल्म  त धेरै बनाउछन् तर तारिफ योग्य फिल्म कमै बनाउने शोभित बस्नेतको पछिल्लो फिल्म  दुलही रानी अहिले प्रोष्ट प्रोडक्सनमा छ । 

यो बर्षको ९ महिनामा तीन वटा फिल्म डाईरेक्सन गरिसकेका  शोभितको   २४औ उक्त फिल्म  आउदो चैतको १७ गतेदेखि देशब्यापी रिलिज हुदैछ । जस अनुरूप प्रोष्टप्रोडक्सन र प्रोमोशनलाई एक साथ अघि बढाईरहेका उनले उक्त फिल्मको फष्टलुक  पोष्टर फिल्मीखबर मार्फत सार्वजनिक गरेका छन् ।

पारिवारिक हास्य शैलीको  उक्त फिल्ममा जयकिसन बस्नेतको साथमा दुलही रानी भएर रागिनी खड्गीले मुख्य भूमिका निभाएकी छिन् । फिल्ममा मुकेश आचार्य, मोहन निरौला, मौसमी मल्ल, उमेश मायालु, दिनेश शर्माको साथमा नव प्रस्तुतीमा जिके शर्मा, रूपेश न्यौपाने, पेशला कटुवाल र सविना कार्कीको पनि अभिनय रहेको  छ । पोष्टरमा कथाको मुख्य हास्य पात्र अनुरूप जयकिशनलाई फोकस गरिएको छ । 

२०६८ साल बैशाख एक गते मुहुर्त  गरिएको चलचित्र बरदान र प्लानको रिलिज डेट पर्खेर बसिरहेको बस्नेतले उक्त दुई चलचित्रलाई पछी सार्दै दुलही रानी रिलिज गर्न लागेका हुन्  । पोष्टर कस्तो छ प्रतिक्रिया जनाउनु होला । केही दिनमा उक्त चलचित्रको टाइटल   गीत पनि वर्ल्ड प्रिमियर गरिने छ ।