कसैको नाम आफ्नो छातिमा खोपाउनु भनेको कि त उ त्यो व्यक्तिको फ्यान हुन्छ कि त प्रेमिप्रेमिका । हैन भने जो कोहीले आफ्नो छातिमा अर्काको नाम बिनासित्तै पक्कै लेख्दैन ।
प्रसङ्ग हो चलचित्र 'अन्दाज' मा पहिलो पटक नायकको रूपमा देखिएका नायक सबिन श्रेष्ठको । यि नायकले आफ्नै चलचित्रकी नायिका रेखा थापाको नाम आफ्नो छतिमा खोपेका छन् । उनले किन रेखाको नाम आफ्नो छातिमा खोपे भन्ने कुरा पक्कै चासोको कुरा हो ।
रेखा थापासँग नै चलचित्र 'अन्दाज' मा पहिलो पटक नायकको रूपमा अनस्क्रिन रोमान्स गरेका सबिनले रेखाको नाम किन लेखे भन्ने कुराको बारेमा थाहा पाउन चलचित्र 'रावण' को रिलिज डेटलाई पर्खनु पर्ने हुन्छ । किनकी सोही चलचित्रको 'ए मायालु...' बोलको गीतमा सबिनको छातिमा रेखाको नाम खोपिएको छ ।
फिल्मीखबर डटकमले वर्ल्ड प्रिमियर गरेको सो गीतमा सबिनले रेखासँग नै अनस्क्रिन रोमान्स गरेका छन् । अन्दाजमा राम्रो छाप छोडेपछि निर्माता छबि ओझाले 'रावण' मा सबिनलाई दोहोर्याएका हुन् । प्रिमियर गरिएको सो गीतमा कमलकृष्ण पौडेलको शब्द संगीत र राकेश खालिङ अनि अञ्जु पन्तको स्वर रहेको छ ।
कमलकृष्ण पौडेलले निर्देशन गरेको चलचित्र 'रावण' चैत्र २७ गते देशभर एकसाथ प्रदर्शनमा आउने छ । चलचित्रमा रेखालाई बिभिन्न गेटअपमा देख्न सकिनेछ ।
Ye Mayalu-Rawan (Premiere)
