प्रदर्शनको तयारीमा रहेको चलचित्र 'मेरो बेस्ट फ्रेण्ड' रफ ड्राफ्ट पोस्टरलाई रिलिज गर्दै निर्देशक प्रशन्न पौडेलले कमेण्टको अपेक्षा गरेका छन् । हाल मुम्बई भ्रमणमा रहेका प्रशन्नले आफ्नै फेसबुक वालमा पोस्टर राखेर लेखेका छन् - Mero Best Friend (MBF) rough draf, wt do u think???

सार्वजनिक पोस्टरमा नायक रेश मरहठ्ठालाई मुख्य पात्रको रूपमा उभ्याईएको छ भने उनको छातिमा अर्का नायक दिवस उप्रेती र नायिका प्रियंका कार्कीको तस्विर राखिएको छ । पोस्टर रिलिज गरेको केहि समयमा नै प्रशन्नका साथीभाई तथा प्रशंसकले राम्रो बनेको प्रतिक्रिया दिएका छन् । सम्भवत फाल्गुन महिनामा रिलिज हुने सो चलचित्रमा साथीहरु एक अर्काका लागि जन्मेको भए पनि कहिल्लै सँगै हुन सक्दैनन् भन्ने कुरालाई उठान गरिएको छ ।

आशाबादी फिल्मस् प्रालीको ब्यानरमा प्रजिता बज्राचार्यले निर्माण गरेको सो चलचित्रमा रेश मरहठ्ठा, दिवस उप्रेती, प्रियंका कार्की, किरण लौचन र पूजा शर्माको मुख्य भुमिका रहेको छ । सुगम पोखरेल, प्रमोद खरेल र राजनराज शिवाकोटीको संगीत रहेको चलचित्रका गीत भुपेन्द्र खड्काले लेखेका हुन् । अच्युत अधिकारीको पटकथा तथा संवाद रहेको सो चलचित्रलाई बिदूर पाण्डेले खिचेका हुन् भने द्वन्द हिमाल केसीको रहेको छ । त्यसैगरी सम्पादन प्रज्वल श्रेष्ठ र व्याकग्राउण्ड म्युजिक सुजिल कर्माचार्यको रहेको छ ।

पोस्टरको बारेमा तपाईको प्रतिक्रिया तलको कमेण्ट बक्समा दिनुहोला !