यो चिसो चिसो मौसममा जसरी अहिले चलचित्र लूटले दर्शकहरूलाई तताई रहेको छ त्यसैगरी चलचित्र 'मिस यू' का गीतसंगित अनि प्रोमोहरूले पनि दर्शकलाई तताई रहेको छ । भ्यालेनटाईन डे अर्थात फाल्गुन २ गतेका दिन प्रिमियर गरि फाल्गुन ५ गते देशभरका अधिकांश सिनेमा घरमा रिलिज हुन लागेको चलचित्र 'मिस यू' लाई अधिकांशले प्रतिक्षारत चलचित्रको लिस्टमा राखेका छन् ।
यसरी मोस्ट वान्टेड लिस्टमा परेको चलचित्र 'मिस यू' को प्रदर्शन मिती नजिकिंदै गर्दा शिर्ष गीतलाई एक्सक्लुसिभ रूपमा फिल्मीखबरले वर्ल्ड प्रिमियर गरेको छ । नायिका नम्रता श्रेष्ठको मस्ट वैटेड उक्त चलचित्रको शिर्ष गीतमा किचमान चित्रकारको स्वर, शब्द र संगीत रहेको छ । जुन गीतलाई मलेसियामा छायाँकन गरिएको हो भने धिरजजंग शाह यसका सिनेमाटोग्राफर हुन् ।
नायक दिलिप रायमाझी तथा मोडल बरूण राणाको समेत अभिनय रहेको सो चलचित्रलाई सुरेश दर्पण पोखरेलले निर्देशन गरेका हुन् । दिब्या एण्ड दर्पण क्रियशनको प्रस्तुतीमा दिलिप रायमाझीले निर्माण गरेको त्रिकोणात्मक प्रेम कथानक यस चलचित्रको कथा सुरज सुब्बा 'नाल्बो' ले लेखेका हुन् । ८० प्रतिशत छायाकंन मलेसियामा गरिएको चलचित्र 'मिस यू' को काठमाण्डौ पार्टका छायाँकार राजुविक्रम थापा हुन् । चलचित्रमा बाबु बोगटीको पनि संगीत रहेको छ ।
चलचित्र राजधानीका क्यूएफएक्स सेन्ट्रल, जयनेपाल, कुमारी, बिग सिनेमा लगायतका मल्टिप्लेक्स हल सहित देशका करिब ४ दर्जन हलमा सिनेमा लाग्नेछ । चलचित्रलाई डिसिएनले वितरण गर्नेछ ।
http://www.4shared.com/mp3/bMrNf6Er/MISS_U_TITLE_SNG.html ( Audio)
