गत साता नेपालका सिनेमा हलबाट प्रदर्शनमा आएको चलचित्र लूट हेर्न एनआरएनहरू पनि निकै आत्तिएका छन् । नेपालमा चलचित्र राम्रो चलेको थाहा पाएपछि बिदेशमा रहेका गैर्ह आवासिय नेपालीहरूले लूटलाई आ-आफ्नो स्टेटमा रिलिज गर्न तम्तयार भएका छन् ।
अष्ट्रेलिया र भारतमा रिलिज हुन लागेको सो चलचित्रलाई डेनमार्कमा रहेका नेपालीले पनि रिलिज गर्न लागेको जानकारी फिल्मीखबरलाई प्राप्त भएको छ । डेनमार्कबाट फिल्मीखबरसँग कुरा गर्दै सुधिर लामाले कोपेनहेगनमा 'लूट' रिलिज गर्न लागेको बताए । उनले केहि साथीहरूको सहयोगमा डेनमार्कको कोपेनहेगन स्थित 'Palads' हलमा 'लूट' रिलिज गर्न लागेको बताए । चलचित्र १८ फेब्रुअरीमा रिलिज हुने उनको भनाई छ ।
डेनमार्कमा पनि नेपाली चलचित्रको बजार खोज्ने मनशायले सबैले मन पराएको 'लूट' लाई रिलिज गर्न लागेको लामा बताउँछन् । यदि लूटले राम्रो छाप छोड्न सकेमा आगामी दिनमा अन्य राम्रा चलचित्रलाई रिलिज गर्ने र नेपाली चलचित्रको ग्लोबल मार्केटको विकासमा थप टेवा पुर्याउने लामाको उद्देश्य छ ।
थप जानकारीको लागी http://www.hn-hn.dk/
