अभिनय यात्राको पाँच बर्षे यात्रालाई विश्राम दिदै अभिनेत्री युना उप्रेती बिहिबार राति अमेरिका उडेकी छिन् । प्राप्त खबर अनुसार उतै बस्ने चाँजोपाँजो सहित उनी अमेरिका उडेकी हुन् ।
युनाको साथमा कलाकार निर्मल शर्मा 'गैडा', गोपाल नेपाल 'फिष्टे', गायक नरेन्द प्यासी र निर्माता एवं सञ्चारकर्मी जयप्रकाश प्रसाद रिजाल पनि अमेरिका उडेका छन् । 'म चाहिँ फर्किन्छु बाँकी अरू साथीहरूको भित्री ईच्छा के छ मलाई थाहा छैन' अमेरिका उड्नु अघि निर्मल शर्माले भने, 'धेरै पटकका कार्यक्रममा अमेरिका जादा एक दुई जना कलाकार फर्किनु भएन त्यसैले यो पटक हामी जादा यस्ता प्रश्न उठ्नु स्वाभाविक हो ।' शर्माका अनुसार टोलीले अमेरिकाका नौ वटा स्टेटमा ४२ दिन सम्म आयोजना हुने विभिन्न कार्यक्रममा सहभागीता जनाउने छ ।
यस्तै अमेरिका उड्नु अघि युनासंगको सम्पर्क प्रयास विफल भएकाले उनको नेपाल फर्कने योजनाको बारेमा बुझ्न सकिएन । तर पनि पछिल्लो समय फिल्मी माहोलमा सुस्ताएकी शिक्षित अभिनेत्री युना लम्बे रेशको घोडा हुन असफल भएपछी उनले बाकी भबिष्य अमेरिकामा विताउने योजना अनुरूप सिनेमा क्षेत्रमा अघोषित सन्यास भन्दै अमेरिका उडेकी हुन् । 'पर्खि बसे' डेब्यू युनाले पाँच बर्षमा दुई दर्जन बढी फिल्म खेलिसकेकी छिन् ।
यस्तै मंगलबार पनि संगीतकार शम्भुजित बाँस्कोटाको एक टोली पनि अमेरिका उडेकाले उक्त टोलीमा रहेकी मल्लिका कार्की र दिवस उप्रेती फर्किन्छन् वा फर्किदैनन् भन्ने प्रश्न पनि अहिले चासो रूपमा उठेको छ ।
