पछिल्लो समय साँगितिक बजार पिटिरहेको चलचित्र 'लूट' को उध्रेको चोलीलाई मलेसियाका नेपालीले लाईभ हेर्न पाउने भएका छन् । उक्त गीतमा आईटम डान्स गरेर चौतर्फी चर्चा पाएकी नायिका शुष्मा कार्की दर्शकलाई उध्रेको चोली देखाउन शुक्रबार मलेसिया आईपुगेकी छिन् ।
लामो विदाको अवसर पारेर आईतवार देखि मलेसियामा हुने 'रिमिक्स धमाका ४' मा सहभागि हुन नेपालका शुष्मा सहित ६ सात जना कलाकारहरु आज विहान सात वजे मलेसिया आईपुगेका छन् । यसरी मलेसिया आईपुगेका कलाकारहरुमा पप गायक सुगम पोखरेल, पप तथा आधुनिक गायिका इन्दिरा जोशि,लोक दोहरी गायक रामजी खाडँ, कमेडि गायक प्रकाश ओझा,लोकदोहरी गायिका ज्योति लोहनी तथा आधुनिक तथा सेलो गायिका शशिकला मोक्तान रहेका छन् । कार्यक्रमको मुख्य आकर्षक सुष्मा कार्किको रहने टिकट काट्ने दर्शकको ठम्माई छ ।
आईटम डान्सवाट चर्चा कमाएकि सुष्माको आईटम डान्स हेर्नको लागि मलेसियामा रहेका दर्शकहरु निकै आतुर छन् । दर्शकहरू भन्छन्, 'फिल्म हेर्न नपाए पनि उध्रेको चोली हेर्न हामी आतुर छौं ।' शुष्मा सहित अन्य कलाकारले पनि आ-आफ्नो प्रस्तुतीले दर्शकलाई तताउने आयोजकले बिश्वास लिएको छ । जनवरी २२ तारिखका दिन मुहार, जनवरी २३ तारिखका दिन जोहोरवारु, जनवरी २४ तारिखका दिन क्वालालम्पुर तथा जनवरी २५ तारिखका दिन वातुपहातमा हुन लागेको सो कार्यक्रममा सहभागी हुन आएका कलाकारलाई बिहान आयोजकले क्वालालम्पुर अर्न्तराष्ट्रिय विमानस्थमा स्वागत गरेको थियो ।
