प्रदर्शनको पालो कुरेर बसेको चलचित्र 'इशारा' को अडियो गीत सहित अफिसियल पोस्टर सार्वजनिक गरिएको छ । नायिका उमा बेबीको निर्माणमा बनेको उक्त चलचित्रको एक गीत र दुई पोस्टरलाई फिल्मीखबरले सार्वजनिक गरेको हो ।
भारतको सिक्किममा सफलताका साथ तीन सातामा सम्म प्रदर्शन भएको बताईएको चलचित्र 'इशारा' को सार्वजनिक गीतमा महेश खड्काको संगीत तथा किरण खरेलको शब्द रहेको छ । स्वर भने राजेश पायल राईको रहेको छ । गीत सार्वजनिकसँगै चलचित्रको पब्लिसिटीलाई निरन्तरता दिने नायिका समेत रहेकी निर्माता उमा बेबीले फिल्मीखबरलाई जानकारी गराईन् ।
अनुशी फिल्म्सको व्यानरमा अरूण रेग्मी समेत निर्माता रहेको सो चलचित्रलाई सबिर श्रेष्ठले निर्देशन गरेका हुन् । 'कस्ले चोर्यो मेरो मन' को सफलता पछि सबिरले यो चलचित्र निर्देशन गरेका हुन् । प्रेमकथामा आधारित रहेर निर्माण गरिएको उक्त चलचित्रमा रेखा थापा, उत्तम प्रधान, उमा बेबी र भुपेन चन्दको मुख्य भुमिका रहेको छ । शिबम अधिकारीको कथा रहेको उक्त चलचित्रका सम्पूर्ण गीतमा महेश खड्काको संगीत तथा किरण खरेलको गीत रहेको छ ।
क्यू सिस्टम अर्न्तगत पालो कुरेर बसेको चलचित्र 'इशारा' सम्भवत: नयाँ बर्ष २०६९ को शुरूवातमा रिलिज हुनेछ । कमल राई र राजु शाहको नृत्य तथा शिब ढकालको छायाँकन रहेको सो चलचित्रको अधिकांश छायाँकन सिक्किममा नै गरिएको हो ।
गीत सुन्नको लागी यहाँ क्लिक गर्नुहोस्
http://www.4shared.com/mp3/
