म्यूजिक भिडियो निर्देशक हुदै चलचित्र निर्देशक भएका प्रशन्न पौडेल पछिल्लो समयका चर्चामा रहेका नवनिर्देशक मध्येका एक अनुहार हुन् । गत बर्ष स्वर चलचित्र बनाएर चर्चा बटुले पनि उक्त फिल्मबाट अपेक्षित रिभ्यू नपाएका प्रशन्नले यो बर्ष मेरो बेष्ट फ्रेण्ड चलचित्र बनाए जुन अहिले प्रोष्टप्रोडक्सनमा छ ।
सन्यासी हिरोईन झरना बज्राचार्यलाई रि-इन्ट्री गराउने सपना बोकेर उनले उक्त फिल्म तयारी गर्ने योजना बनाए पनि अन्तत: सिक्किमकी मोडल श्रेया शर्मा हुदै प्रियंका कार्की उनको सपनाको सारथी बन्न आईन् । प्रियंकालाई अमेरिकाबाट बोलाएर बनाएको उक्त फिल्म यहि बर्ष रिलिज गर्ने सोच प्रशन्नको छ रे ! तर, फिल्मको प्रोष्टप्रोडक्सलाई थाती राख्दै उनी दुई साता अघि अचानक मुम्बई हानिए ।
प्रशन्नका फेसबुकका स्टाटसहरूलाई एक छिन केलाउने हो भने मुम्बईका गल्लीहरूमा उनले केही खोजिरहेका छन् । जुन कुरा खोज्न उनलाई रेश मरहट्टाले पनि साथ दिईरहेका छन् । तर मुम्बईमा रहेका प्रशन्नलाई फिल्मीखबरले उता जानुको कारण के थियो भन्ने प्रश्नमा उनले भने, 'समय आएपछी भन्ने छु अहिले नसोध्नुस ।' प्रशन्नका यो उत्तरले विभिन्न उत्तरहरूको सम्भावना देखाएको छ । जस्तै नम्बर एकमा उनी निकै ठूलो प्रोजेक्टको तयारीमा छन् जसलाई उनी सप्राईजको रूपमा नेपाली सिनेमा उद्योगमा भित्राउदैछन् । नम्बर दुई डिभोर्स म्यान प्रशन्नले आफ्नी नयाँ दुलही लिएर काठमाण्डौ फर्किने छन् । तर नम्बर तिन के होला भन्ने प्रश्नको अनुमानित उत्तरका लागि पाठकको जिम्मा....?
रेश मरहट्टाका साथ मुम्बई हानिएका प्रशन्न केही दिन भित्रै काठमाण्डू फर्किदैछन् । काठमाण्डू फर्किए लगत्तै उनले फिल्मको प्रोमोशन कसरी गर्ने भन्ने पनि योजना बनाईसकेका छन् । हालैको एक भेटमा उनले भन्दै थिए स्वरको प्रोमोशनका लागि गत बर्ष जे जे गरे यसपालि त्यसो गर्ने छैन । अर्थात उनले स्वरको कलेज क्याम्पियन गरेका थिए जुन यसपालि हुने छैन । यस्तै रेडकार्पेट प्रिमियर पनि स्वरको गरिएको थियो त्यो पनि हुने छैन । तर पब्लिीसिटीको नयाँ योजनामा उनले मार्केट पिट्ने योजना बनाएका छन् ।
मेरो बेष्टफ्रेण्डमा दिवस उप्रेती पनि लिड रोलमा छन् । केही दिन अघि शम्भुजित बाँस्कोटाको नेतृत्वमा गायिका मल्लिका कार्कीको साथ अमेरिका गएका दिवसले फिल्मीखबरलाई म्यासेज पठाउदै मल्लिकासंग आफ्नो प्रेम सम्बन्ध नरहेको र उनीसंग आफ्नो चिनजान समेत नरहेको भनी दावी गरेका छन् । तर सत्य यो हो कि यि दुई एक अर्कालाई राम्ररी चिन्छन् जुन कुरालाई अशोभनिय तरिकाले लुकाउँदैछन् । सम्बन्ध जे भए पनि कार्यक्रमका लागि अमेरिका आएको प्रसङ्गलाई उद्योगमा अर्कै ढङ्गले ब्याख्या भएपछी उक्त कुरालाई उनले गलत भएको भन्दै फागुन १५ गते नेपाल फर्कने दिवसले फिल्मीखबरलाई जानकारी गराए ।
