केहि समय अगाडी चलचित्र 'चपली हाईट' को फोटोको बिषयलाई लिएर मिडियामा निकै हल्ला खल्ला भयो । सो चलचित्रकी नायिका बिनिता बरालको न्यूड फोटो सार्वजनिक भन्ने खबर आएपछि बिनिताले प्रतिकार गरेपछि त झन फिल्मको बारेमा ठूलै हल्ला चल्यो ।
हिजो सोमबार राजधानीमा पत्रकार भेटघाटको कार्यक्रम गरि युनिटले चलचित्रका प्रोमो र पोस्टरलाई एक्सक्लुसिभ रूपमा सार्वजनिक पनि गर्यो । धेरैले चलचित्रको पोस्टर हेरेपछि युनिटको तारिफ पनि गरे । जसरी बिनिताको फोटो न्यूड भन्ने हल्ला चल्यो त्यसलाई युनिटले ट्रिक लगाएर पोस्टर बनाएकोमा युनिट आफै दंगिएको थियो । तर अफसोच सोही एक्सक्लुसिभ पोस्टरलाई एक्सक्लुसिभ कपि पोस्टरको रूपमा प्रस्तुत गरिएको छ ।
नेपाली चलचित्रको बारेमा बहस गर्ने फेसबुक सञ्जाल न्यू नेपाली सिनेमा नामको ग्रुपमा केहि समय अगाडी उक्त पोस्टर सार्वजनिक भएपछि फिल्मीखबरले युनिटको क्रियशनमा प्रश्न चिन्ह ठड्याउँदै सो पोस्टरलाई अफिसियल रूपमा प्रस्तुत गरेको हो । चपली हाईटको एक्सक्लुसिभ कपि पोस्टर सार्वजनिक भएपछि सो ग्रुपमा पनि युनिटको क्रियशन माथि शंका गर्दै कमेण्टको बर्षा भएको छ । कसैले हलिउड=कलिउड लेखेका छन् भने कसैले चलचित्रको कथा पनि चोरिएको हुनसक्ने आशंका व्यक्त गरेका छन् ।
निर्देशक दिपेन्द्र के खनालले निर्देशन गरेको सो चलचित्रको पोस्टर हलिउड चलचित्र BASIC!NSTINCT को पार्ट १ र पार्ट २ बाट कपि गरिएको छ । अब बाँकी के-के कुरा सिमिलर छ कमेन्ट गर्ने जिम्मा पाठकको ।
न्यू नेपाली सिनेमामा पोस्टरको बारेमा आएका प्रतिक्रिया हेर्न तलको लिङ्कमा क्लिक गर्नुहोला !
https://www.facebook.com/photo.php?fbid=3045084404262&set=o.152319578203717&type=1&ref=nf
