
कात्तिक ३ गतेका लागि अल नेपाल रिलिज डेट राखिएको सो सिम्पलको फष्टलुक पोष्टर रिलिज गरिएको छ । निर्देशक शिव रेग्मीको छोरी भावना र स्क्रिप्ट राईटर प्रदीप भारद्धाजका भाई प्रमोद लिड रोलमा रहेको सो फिल्मलाई केशव भट्टराईले निर्माण गरेका हुन् ।
बैशाख २५ देखि फ्लोरमा गएको उक्त फिल्मको पर्सि बुधबार ईन्डक्लयाप गरिदैछ । फिल्ममा राजबल्लभ कोईरालाको साथमा नयाँ हिरोईन स्वेता भट्टराई, सुशिल पोखरेल, विनोद भट्टराई, रश्मी भट्ट, निर्मल शर्मा तथा भिजे शिशिर भण्डारीको पनि महत्वपूर्ण भूमिका रहेको निर्माण पक्षले जनाएको छ । साढे दुई महिनाका अवधिमा ५० लाख बजेट पुगिसकेको उक्त फिल्मको बजेट रिलिज डेट सम्म ६० लाख नाघ्ने प्रोड्यूर भट्टराईले जानकारी गराए । यध्यपी उक्त अनुमानित बजेट अझै बढ्न सक्ने उनी बताउछन् ।
सफल मेकरको रुपमा गनिने केशवको फिल्म कुनै न कुनै पक्षले दर्शकलाई आकर्षण गर्न सक्ने हुन्छ त्यसमाथि पनि यसअघि निर्देशक शिव रेग्मीसंग मिलेर उनले दुई वटा फिल्म हिट दिईसकेकाले यो फिल्मले पनि कुनै किसिमको रेकर्ड नेपाली बक्स अफिसमा राख्ने अनुमान काटिएको छ । फिल्मलाई दीपक बज्राचार्यले खिचिरहेका छन् ।
सार्वजनिक गरिएको फष्टलुकमा नयाँ हिरो हिरोइन प्रमोद र भावनालाई झरीमा रुझेको अवस्थामा सिम्पल रूपले देखाईएको छ । फस्टलुकलाई आईडिएल डिजाईनका रूपक रानाले तयार पारेका हुन् ।