यस अघि बर्थडेको मौकामा हिरोको तस्बिर सार्वजनिक गरेको समय युनिटले हिरोईन पनि सार्वजनिक गरेको छ । कात्तिक १८ देखि रिलिज हुने सो फिल्ममा मौसमी मल्ल पुत्र विक्की नयाँ हिरोको रुपमा आउदैछन् भने हिरोईन चाहि सुरभी जैन हुन् ।
चरित्र अभिनेत्रीको रुपमा केही नेपाली फिल्म र पाकिस्तानी फिल्ममा खेलेकी सरस्वती विष्टको दीदीको छोरी सुरभी आउदो कात्तिक १३ देखि तेईस बर्षकी हुनेछिन् । ट्रेकिंग विजनेस समेत गरिरहेकी उनी आफ्नी आन्टीले दिन नसकेको फिल्मी निरन्तरतालाई अगाडी बढाउने सोचका साथ यो फिल्डमा आएको बताउछिन् ।
सन्देश श्रेष्ठको निर्माणमा दयाराम दाहालले निर्देशन गरेको समय दुई जेनेरेशनको कथामा आधारित फिल्म हो जहाँ राजेश हमाल तथा मौसमी पहिलो जेनेरेशन र सुरभी र विक्कीले दोस्रो जेनेरेशनको प्रतिनिधित्व गर्दै फिल्मलाई डोर्याएका छन् । नयाँ हिरोईन सुरभीले बिजनेस म्यानेजमेन्टमा स्नातक उर्तिर्ण गरिसकेकी छिन् ।
