अभिनेत्री मौसमी मल्लसँग मिलेर सन्देश श्रेष्ठले निर्माण गरेको फिल्म 'समय' को अफिसियल प्रोमोलाई फिल्मीखबरले सार्वजनिक गरेको छ । मंसिर ८ गते रिलिज गर्ने योजना बनाईएको सो फिल्मबाट दुई नयाँ अनुहार विक्की मल्ल र सुरभी बिष्टले डेब्यू गरेका छन् ।
दयाराम दाहालले निर्देशन गरेको समय दुई जेनेरेशनको कथामा आधारित फिल्म हो जहाँ राजेश हमाल तथा मौसमी पहिलो जेनेरेशन र सुरभी र विक्कीले दोस्रो जेनेरेशनको प्रतिनिधित्व गर्दै फिल्मलाई डोर्याएका छन् । फिल्मको पब्लिसिटी शुरू गर्दै युनिटले आजै राजधानीमा प्रेस मिट गरि पोस्टर समेत सार्वजनिक गरेको छ ।
