अन्तत: गए राति बक्स अफिस फिल्म अवार्ड 2012 सम्पन्न भएको छ l  अत्यन्त खचाखच दर्शकको भिड रहेको उक्त कार्यक्रमको आकर्षकको बिन्दु नै तीन सुपर स्टार शिव श्रेष्ठ, राजेश हमाल र भुवन केसी रहेका थिए l

विभिन्न ३१ विधामा अवार्ड बाँडिएको थियो जसमध्ये रेखा फिल्म्सको व्यानरमा बनेको कसले चोर्यो मेरो मनले सर्बाधिक अवार्ड लिन सफल भएको छ l त्यस्तै उत्कृष्ट फिल्ममा बाटो मुनिको फुलले अवार्ड जित्यो भने उत्कृष्ट निर्देशकको अवार्ड पनि यसै फिल्मका निर्देशक सुरज सुब्बा नाल्बोले पाए l उत्कृष्ट हिरो र हिरोइनमा आर्यन सिक्देल र रेखा थापाले कसले चोर्यो मेरो मनबाट अवार्ड लिए l फिल्म धुवाँ यो नशाबाट रामेश्वर कार्कीले छायांकनमा अवार्ड पाए ।

नबनायकमा यशकुमारले बाटो मुनिको फुलबाट अवार्ड हात पार्न सफल भए l उत्कृष्ट संगीतकार सुरेश अधिकारी, गायक दिपक लिम्बु ,गायिका अन्जु पन्तले पनि कसले चोर्यो मेरो मन बाटै अवार्ड हात पारे l कार्यक्रममा उत्कृष्ट निर्माताको रुपमा फस्टलब र लुट जस्ता फिल्म बनिसकेका माधब वाग्ले सो अवार्ड पाउन सफल भए भने उत्कृष्ट वितरकमा नरेन्द्र महर्जनले अवार्ड हात पारे l

अवार्ड समारोहमा करिब तीन दशक देखि फिल्म क्षेत्रमा आफ्नो कला प्रस्तुत गर्दै आएका बाघ हिरोको रूपले परिचित शिब श्रेष्ठलाई लाईफ टाईम अचिभमेन्ट अवार्ड प्रदान गरिएको भने महानायक राजेश हमालले र्शक दर्शक भोटको आधारमा सर्वाधिक मन पारिएका नायकको अवार्ड पाउन सफल भए । फिल्मलाई माया गर्ने हलवाला र निर्माताहरुलाई पनि अवार्ड बाँडिएको थियो l

कार्यक्रममा तीन सुपरस्टारले आफ्ना हिट नम्बरमा कम्मर मर्काउदा र गायक प्रकाश पौडेलको रुन्चे नम्बरले रमाईलो गराएका थिए । सुरुमा पुजना स्त्रीले सुरु गरेको स्टेज शोलाई लोकल गायक देखि रामजी खांड, निशा सुनुवार, सुमन सिंह, रेखा थापा, शंकर बिसी. रेखा घिमिरे हुँदै अन्तमा राजेश, शिव र भुवन केसीको डान्सले पूर्णता पाएको थियो l