Nepal's No.1 Filmy Web Magazine
‘कबड्डी’ जोडी दयाहाङ राई र रिश्मा गुरुङ लामो समयपछि फेरि एकसाथ फिल्ममा देखिँदैछन् । फिल्म ‘रिमै’मा उनीहरुको सहकार्य जुरेको हो । मंगलबारबाट फिल्मको छायांकन सुरु गरिएको छ । गोरखाको सिरानचोकमा मुहूर्त गरेपछि फिल्मको छायांकन थालिएको निर्देशक खिलबहादुर गुरुङले जानकारी दिए । दयाहाङ र रिश्माले मुहूर्त सट दिएका थिए ।
नकारात्मक भूमिकामा रोजाइको कलाकार बनिरहेका छन्, प्रकाश शाह । डेब्यु फिल्म ‘लभ स्टेशन’ हुँदै ‘साङ्लो’ र पछिल्लो फिल्म ‘रावायण’सम्म आइपुग्दा उनी नकारात्मक भूमिकामै देखिए । ‘रावायण’मा उनले निर्वाह गरेको ‘काल्का’को चरित्र दर्शकले रुचाएका थिए । अब उनी नयाँ फिल्म ‘सत्यवीर’मा देखिने भएका छन् । सोमबार उनीसँग निर्माताले कागजी सम्झौता गरेका हुन् ।
फिल्म ‘ह्रस्व दीर्घ’को प्रवर्द्धनका लागि नेपाल आएका भारतीय कलाकार प्रदीप रावतले सोमबार कमलपोखरीस्थित बिग मुभिज पुगेर दर्शकसँग साक्षात्कार गरेका छन् । दिउँसो २ः४५ बजेको शोमा फिल्म हेरेका दर्शकसँग उनले हलभित्रै गएर प्रतिक्रिया लिए । हाउसफुल रहेको हलमा उनको प्रवेश हुँदा दर्शकहरुले हुटिङ गर्दै प्रेम दर्शाएका थिए । उनी पनि प्रसन्न भावमा देखिए ।
गायक समेत रहेका कलाकार मुरलीधरलाई दशैंमा रिलिज भएको फिल्म ‘१२ गाउँ’ले एकपटक फेरि चर्चामा ल्याएको छ । यसमा उनी नकारात्मक भूमिकामा प्रस्तुत भएका थिए । फिल्मले व्यावसायिक सफलता त पायो नै, उनको अभिनयलाई पनि दर्शकले रुचाए । अब उनी अर्को फिल्म ‘हरिबहादुरको जुत्ता’मा आबद्ध भएका छन् । यसमा पनि उनी भिलेनकै भूमिकामा देखिनेछन् ।
यही मंसिर १४ गतेबाट प्रदर्शनमा आउने तयारीमा रहेको फिल्म ‘सत्या’को ट्रेलर सार्वजनिक गरिएको छ । आइतबार काठमाडौंमा एक कार्यक्रमका बीच सार्वजनिक साढे २ मिनेट लम्बाईको ट्रेलरमा प्रेम र एक्सनको मिश्रण देखिन्छ । पात्रहरुबीच टेण्डर हत्याउन भएको टकरावलाई ट्रेलरमा प्रस्तुत गरिएको छ ।
