Nepal's No.1 Filmy Web Magazine
ज्योतिषको रुपमा परिचित छन्, हरिहर अधिकारी । तर, उनले आफ्नो परिचयको दायरा फराकिलो बनाइरहेका छन् । फिल्म ‘शुभ लभ’बाट नायक बने । अब यही कात्तिक ३० गतेबाट प्रदर्शनमा आउन लागेको फिल्म ‘ह्रस्व दीर्घ’मा उनको निर्माण र अभिनय दुवै छ । लेखन पनि उनकै हो । ज्योतिष भएकाले उनले आफ्नो फिल्मको ग्रह-दशा चाहिँ कस्तो देखेका होलान् भन्ने चासो धेरैमा छ ।
नेपाली फिल्म क्षेत्रमा कलाकारलाई विभिन्न ‘ट्याग’ दिने प्रचलन बढ्दो छ । ‘महानायक’, ‘मेगास्टार’, ‘सुपरस्टार’ जस्ता ट्यागबाट नेपाली कलाकारहरु सुशोभित भैसकेका छन् । केहीलाई दिइएको ‘ट्याग’ दर्शकले स्वीकार पनि गरेका छन् भने केहीलाई सीमित फिल्मकर्मीहरुले मात्र मान्ने गरेको देखिन्छ । कलाकारलाई दिइने ‘ट्याग’को औचित्यमाथि बेला बखतमा बहस पनि भैरहेको हुन्छ ।
ओटीटी प्लेटफर्ममा सर्वाधिक सफल वेब सिरिज ‘मिर्जापुर’को तीनवटा सिजन आइसकेको छ । अब यसको नाम, कथा र पात्रमा फिल्म बन्ने भएको छ । सोमबार निर्माण कम्पनी एक्सेल मुभिजले टिजरमार्फत् फिल्म निर्माणको घोषणा गर्यो । फिल्ममा सिरिजकै प्रमुख कलाकारहरु पंकज त्रिपाठी (कालीन भैया), दिव्येन्दु शर्मा (मुन्ना भैया) र अली फजल (गुड्डू पण्डित)को अभिनय रहनेछ ।
बलियो ‘स्टारकास्ट’ लिएर फिल्म ‘जेरी अन टप’को छायांकन सुरु गरिएको छ । सोमबार बिहान पाटनस्थित बगलामुखी मन्दिरमा फिल्मको शुभ मुहूर्त गरेपछि निर्माण टिम छायांकनमा निस्किएको हो । मुहूर्तमा फिल्मका मुख्य कलाकारहरु केदार घिमिरे (माग्ने बुढा), विपना थापा, अनमोल केसी, आँचल शर्मा, जसिता गरुङ लगायतको उपस्थिति थियो । मुहूर्तअघि बगलामुखी मन्दिरमा फिल्मका कलाकारहरु विशेष पूजाआजामा सहभागी भएका थिए ।
यही कात्तिक १५ गते अर्थात् तिहारको लक्ष्मीपूजाबाट फिल्म ‘पूर्ण बहादुरको सारङ्गी’ प्रदर्शनको तयारीमा छ । सारङ्गी बजाएर परिवारको जीविकोपार्जन गर्ने एक बाबुले छोराका लागि गरेको त्याग र देखेको सपनामा फिल्मको कथावस्तु केन्द्रित छ । टिजर र ट्रेलर हेर्दा फिल्मको कथा मौलिक लाग्छ । यसैले निर्देशक सरोज पौडेल फिल्मलाई जुम्लाको स्याउको रुपमा अर्थ्याउँछन् ।
नेपाली फिल्म हलमा भन्दा ज्यादा प्रिमियरमा प्रशंसित र सुपरहिट हुन्छन् । प्रायः नेपाली फिल्मको प्रिमियरमा हलको सिट नै खाली हुँदैन । प्रशंसा उस्तै ओइरो आउँछ । हलमा निदाएर उठेकाहरु पनि मिडियाको अगाडि प्रशंसाको पूल बाँधिदिन्छन् । र, त्यसलाई जित ठानेर फिल्मकर्मीहरु गदगद भइरहेका हुन्छन् । तर, जब फिल्म रिलिज हुन्छ, तब माहोल नै अर्कै देखिन्छ । प्रिमियरमा ‘हाउसफुल’ भएको फिल्म हलमा दर्शक अभावले दुई दिन पनि टिक्न सक्दैन ।
