Nepal's No.1 Filmy Web Magazine
अभिनेता दयाहाङ राई र अभिनेत्री मिरुना मगरले लगातार फिल्ममा काम गरिरहेका छन् । अघिल्लो वर्ष मात्र उनीहरुको तीनवटा फिल्म ‘जारी’, ‘नाङ्गो गाउँ’ र रंगेली’ रिलिज भए । यतिबेला यो जोडीको ‘मनसरा’ हलमा प्रदर्शनरत छ । अब आगामी असार २८ गतेबाट उनीहरुको अर्को नयाँ फिल्म ‘घरज्वाइँ’ प्रदर्शनमा आउने तयारीमा छ । आइतबार यो फिल्मको टिजर सार्वजनिक गरियो ।
विगत १५ दिनदेखि तराईको लालबन्दीमा छायांकन भइरहेको फिल्म ‘रावायण’का लागि तीनवटा गीत भारतमा तयार पारिएको छ । र, ती गीतहरुमा भारतकै स्थापित गायक/गायिकाले स्वर दिएका छन् । फिल्मको शीर्ष गीतमा गायक नाकाश अजिजको स्वर छ । उनले ‘सेल्फी ले ले रे’, ‘अफगान जलेबी’, ‘सारी के फाल सा’, ‘नाँच मेरी जान’, ‘केटी को’ लगायत चर्चित गीतहरु गाइसकेका छन् ।
अन्ततः अभिनेता अनमोल केसी र निर्माता तथा निर्देशक सन्तोष सेनबीच नयाँ फिल्ममा सहकार्य हुने भएको छ । लामो समयदेखि छलफलमा रहेका उनीहरुबीच पिरियड-ड्रामा फिल्ममा सहकार्य गर्ने सहमति जुटेको छ । यद्यपि, दुवैबीच लिखित सम्झौता हुन बाँकी छ । स्क्रिप्ट ‘लक’ भएपछि सम्झौता गर्ने गरी उनीहरुबीच भद्र सहमति भएको हो । फिल्म एक्सन प्रधान हुने जनाइएको छ ।
अभिनेता सौगात मल्ल र अभिनेत्री बेनिशा हमालको मुख्य भूमिका रहेको फिल्म ‘सिटामोल’को प्रदर्शन मिति तय नहुँदै ओभरसिज राइट्स बिक्री हुन थालेको छ । त्यसको सुरुवात जापानबाट भएको छ । गरिमा फिल्म्सले यो फिल्मको जापान प्रदर्शन अधिकार किनेको हो । फिल्मलाई नेपाल र जापानमा एकैदिन रिलिज गर्ने सहमतिअनुसार प्रदर्शन अधिकार बिक्री गरिएको जनाइएको छ ।
फिल्मसम्मको यात्रा तय गर्न म्यूजिक भिडियो बलियो खुड्किलो मानिन्छ । त्यसैको जगमा उभिएर धेरैले ठूलो पर्दामा देखिने आफ्नो सपना साकार गरेका छन् । पल शाहदेखि पूजा शर्मासम्म म्यूजिक भिडियोबाटै आएका कलाकार हुन् । तर, म्यूजिक भिडियोबाट उदाएका एकाधले मात्र फिल्ममा मुख्य भूमिकामा काम गर्ने अवसर पाउँछन् । नभए त प्रायः सहायक भूमिकामा सीमित रहन्छन् ।
डिजिटल युगको प्रारम्भसँगै नेपाली फिल्मका लागि दुर्लभ बनेको प्रदर्शनको ५१औं दिने यात्रा फिल्म ‘महाजात्रा’ले सहजै पूरा गरेको छ । गत वर्षको चैत ९ गतेबाट प्रदर्शनमा आएको फिल्मले शनिबार काठमाडौं र मोफसल गरी ९ वटा हलमा ५१औं दिन मनाएको हो । गत वर्षको सर्वाधिक सफल फिल्म ‘जारी’पछि धेरै हलमा ५१औं दिन मनाउने फिल्मको रेकर्ड समेत ‘महाजात्रा’ले राखेको छ ।
