Nepal's No.1 Filmy Web Magazine
उपेन्द्र सुब्बाको दोस्रो निर्देशकीय फिल्म ‘मनसरा’ले बक्स अफिसमा अपेक्षाकृत व्यापार गर्न सकेको छैन । रिलिजपूर्व १० करोडको आँकडा नघाउने प्रक्षेपण गरिएको फिल्मको व्यापार कछुवाको गतिमा छ । यद्यपि, पहिलो हप्ता फिल्मले सुखद अंक जोडेको देखिन्छ । एक हप्तामा फिल्मले ३ करोड २० लाख कमाएको निर्माण टिमको दाबी छ । ‘वर्ड अफ माउथ’ अब्बल प्राप्त भएकाले व्यापार बढ्ने विश्वास अझै निर्मातामा देखिएको छ ।
अभिनेता प्रदीप खड्का र नव-अभिनेत्री दिव्या रायमाझीले फिल्म ‘एक्टर’को छायांकन सुरु गरेका छन् । पोखरास्थित बिन्ध्यवासिनी मन्दिरमा शुक्रबार पूजाआजा गरेपछि फिल्मको छायांकन सुरु गरिएको हो । फिल्मको पहिलो सट प्रदीप र दिव्याले दिएका छन् । पोखरामा १० दिन छायांकन हुने निर्माता थमन कुमार भण्डारीले जानकारी गराए । त्यसपछि बाँकी छायांकन काठमाडौंमा हुनेछ ।
चर्चित हाँस्य सिरियल ‘सक्किगोनि’ समूह अब फिल्म निर्माणको तयारीमा जुटेको छ । ‘लाज शरणम्’ नाममा बन्न लागेको फिल्मको छायांकन सुरु नहुँदै प्रदर्शन मिति घोषणा गरिएको छ । शुक्रबार एक थिम पोस्टर सार्वजनिक गर्दै आगामी महाशिवरात्रि (फागुन १४ गते)लाई प्रदर्शन मिति घोषणा गरिएको हो । फिल्मको छायांकन भने दशैंभन्दा अगाडि नै पूरा गर्ने योजनामा निर्माण टिम छ ।
पूर्वमिस इन्टरनेशनल नेपाल नीति शाहको फिल्मी करिअरको परीक्षा सुरु भएको छ । उनको पहिलो फिल्म ‘खजुरे ब्रो’ले शुक्रबार (बैशाख २८)बाट प्रदर्शन थालेको छ । यो फिल्मको नतिजाले उनको करिअरमा निकै ठूलो अर्थ राख्नेछ । व्यावसायिक सफलता या अभिनयको प्रशंसामध्ये कुनै एउटा मात्रै भए पनि उनको आगामी यात्रा सहज हुनेछ । उनकै कारण यो फिल्मप्रति धेरैमा चासो छ ।
केही समय अगाडि अभिनेत्री आँचल शर्माले सामाजिक सञ्जालमा एक्सन सिकिरहेको भिडियो सेअर गरेकी थिइन् । त्यसले उनको एक्सन फिल्ममा काम गर्ने भोक दर्शाएको थियो । अन्ततः उनको त्यो इच्छा फिल्म ‘वर एण्ड वधु’मा पूरा भएको छ । झन्डै डेढ वर्ष अड्किएर यही बैशाख पहिलो साताबाट दोस्रो चरणको छायांकन सुरु गरिएको फिल्ममा बिहीबार उनको एक्सन दृश्य खिचियो ।
