Nepal's No.1 Filmy Web Magazine
आगामी मंसिर ७ गते फिल्म रिलिजको चाप देखिने भएको छ । यो मितिमा ‘तेल भिसा’, ‘अग्निदहन’ र ‘देव वाणी’ प्रदर्शनमा आउने निश्चित भैसकेको अवस्थामा अब अर्को फिल्म पनि थपिएको छ । अभिनेत्री ऋचा शर्माको शीर्ष भूमिका रहेको फिल्म ‘सारंग’ मंसिर ७ गतेदेखि प्रदर्शनमा आउन लागेको हो । बिहीबार फर्स्टलुक पोस्टर सार्वजनिक गर्दै फिल्मको प्रदर्शन मिति घोषणा गरिएको हो ।
सुपरस्टार राजेश हमाल ७ वर्षपछि फिल्मको छायांकनमा फर्किएका छन् । उनको मुख्य भूमिका रहने फिल्म ‘नरसिंहा अवतार’को बालाजुस्थित एनएफडिसी स्टुडियो (नेपाल चलचित्र विकास कम्पनी)मा बिहीबार बिहान मुहूर्त गरेसँगै छायांकन सुरु गरिएको हो । फिल्मका लागि पहिलो सट अभिनेता हमाल र अर्जुन श्रेष्ठले दिए । शुक्रबारबाट हमालको एक्सन सिन खिचिने जानकारी प्राप्त छ ।
अभिनेता नाजिर हुसेनले पहिलोपटक पारालैंगिक महिला (ट्रान्सवुमन)को भूमिकामा अभिनय गरेको फिल्म ‘गुन्यो चोलो’को रिलिज स्थगित भएको छ । आगामी कात्तिक ९ गतेलाई प्रदर्शन मिति घोषणा गरिएकोमा केही विषय कारणले तत्काललाई रिलिज स्थगित गर्नुपरेको निर्देशक समुन्द्र भट्टले जनाएकी छन् । चाँडै एउटा ठूलो खबरसहित नयाँ प्रदर्शन मिति घोषणा गरिने उनको भनाई छ ।
मध्यम वर्गीय परिवारको कथामा बनेको फिल्म ‘सानो संसार’ यही शुक्रबार (असोज ११ गते)बाट प्रदर्शनमा आउने तयारीमा छ । प्रदर्शनको पूर्वसन्ध्यामा बुधबार कमलपोखरीस्थित बिग मुभिजमा प्रिमियर राखिएको थियो, जहाँ उपस्थित अतिथिहरुले फिल्मको कथावस्तुदेखि कलाकारहरुको अभिनयको खुलेर प्रशंसा गरे । फिल्मले हँसाउने र रुवाउने दुवै गराएको प्रायःको प्रतिक्रिया थियो ।
निर्माणको तयारीमा रहेको फिल्म ‘जेरी अन टप’मा कलाकारको ‘लाइनअप’ बलियो बनेको छ । अभिनेता अनमोल केसी, अभिनेत्री द्वय आँचल शर्मा र जसिता गुरुङ मुख्य भूमिकामा अनुबन्धित भइसकेको फिल्ममा अब अर्की अभिनेत्री सुरक्षा पन्तको पनि प्रवेश भएको छ । बुधबार निर्माण कम्पनी ‘अनन्या फिल्मस्’को तर्फबाट निर्माता सरोज न्यौपाने र अभिनेत्री पन्तबीच सम्झौता भएको हो ।
नेपालको अग्रणी ओटीटी प्लेटफर्म ‘सिनेमाघर एप’मा दशैंको अवसर पारेर ब्लकबस्टर फिल्म ‘प्रेमगीत ३’ रिलिज गरिएको छ । दुई सय रुपैयाँ शुल्क राखिएको फिल्मलाई सिनेक्वाइन प्रयोग गरी निःशुल्क पनि हेर्न पाइने व्यवस्था छ । २०७९ सालमा नेपाली र हिन्दी भाषामा यो फिल्म रिलिज गरिएको थियो । र, दुईटै भाषाले नेपालमा राम्रो कमाई गरे । भारतमा पनि फिल्म प्रदर्शन भएको थियो ।
